"Ұстаз - мектеп жүрегі, Мәңгілік ел тірегі"

Х.Досмұхамедов атындағы Атырау мемлекеттік университетінде өткен жас ақындар айтысының тақырыбы осылай аталды. Тақырыбынан-ақ көрініп тұрғандай айтыс ұстаздар күніне арналды. "Қазақстандық салалық білім және ғылым қызметкерлерінің кәсіптік одағы" қоғамдық бірлестігінің ұйымдастыруымен өткізілген жыр додасына 12 ақын қатысып, бақтарын сынады.

Елдің рухын көтеріп, еңсесін тіктейтін киелі айтыс өнері қазақпен бірге тең жасап келеді. Мақсаты - жастар арасында ұстаздық мамандығын жаңғыртуға, төл тарихымыз бен тұлғаларымызды тануына, отаншыл сезімі мен азаматтық жауапкершілігін арттыруға жол ашу, жас кәсіподақ белсенділерін қолдау.
Ақындар жас екенбіз деп жалтақтамай, "Ұстаздық еткен жалықпас", "Кешегім-тарих, ертеңім-ерен, бүгінім-жарық", "Ұстаз ұлтқа тірек - ұрпаққа өнеге", "Ұстаз мәртебесі - ұлт мәртебесі" тақырыптарын өткір тілмен өрнектеді.
Қорытындыда қатысушыларға қоғамдық бірлестіктің Алғыс хаттары табысталды. Ал, байрақты бас жүлдені - Әділбек Қайыров, I орынды Мадияр Бекентайұлы, II орынды Нұрзат Қару мен Амангелді Панабердиев, III орын Ерболат Қарағойшы мен Бимырза Әбілқайырлар қанжығаласа, қалған қатысушыларға ынталандыру сыйлығы ұсынылды.

ПІКІРЛЕР

Тізімге қайта оралу

Үміткерлер арасында дебат өтті

26 Сен 2022 38

                      

Тәлімгерлік жоба тұжырымдамасы өз жұмысын бастады

26 Сен 2022 50