Атырау облысында скрининг негізінде салаларды дамытудың аймақтық бағдарламасы әзірленуде
2019 жылдың 4 қыркүйегінде «Атамекен» ҚР ҰКП Президиумның төрағасы Кулибаев Тимур Асқарұлы және Атырау облысының әкімі Ноғаев Нұрлан Асқарұлының қатысуымен Атырау облысы Кәсіпкерлер палатасы Өңірлік кеңесінің кеңейтілген отырысы өтті.
Күн тәртібінде «Атамекен» ҚР ҰКП басқармасы төрағасының бірінші орынбасары Жұмағазиев Эльдар Тынышбайұлы скрининг негізінде Атырау облысында салаларды дамытудың аймақтық бағдарламасын әзірлеу туралы баяндады.
Экономиканың маңызды саласы ретінде ауыл шаруашылығына Жумагазиев Э.Т. ерекше мән беріп, қазіргі заманғы алдыңғы қатарлы технологияларды қолдана отырып, жоғары сапалы зертханалық қызмет көрсететін су, топырақ, өсімдіктер және басқа да экологиялық аспектілер бойынша инновациялық қолданбалы зерттеулер жүргізудің маңыздылығын атап өтті.
2017 жылы «Атырау облысының ғылыми бастамаларын қолдау орталығы» қоғамдық қоры «Теңізшевройл» ЖШС-не Х.Досмұхамедов атындағы Атырау мемлекеттік университетінің базасында зертхана құруға өтінім берді.
Бұл университеттің жоғары білікті кадрларды даярлау сапасын арттыруға бағытталған әлеуметтік жоба. 2018-2019 жылдарға «Теңізшевройл» ЖШС–нан 86 млн.тенге бөлінді. Меморандум негізінде университеттің базасында Қоғамдық қор лабораториясын орналастырды. Зертханада 8 адам жұмыс істейді, оның ішінде 3 ғылым кандидаттары, менеджерлер мен лаборанттар.
Ағымдағы жұмыс:
- Қазіргі уақытта зертхана құрал-жабдықтармен, реагенттермен және зертханалық шыны ыдыстармен жабдықталуда;
˗ Жобаға қатысушылар оқытылды, түрлі талдау әдістерін игерді, сертификаттар алды;
˗ Лабораториядағы зерттеу нысандары анықталды;
˗˗ Зертхананы аккредитациялау бойынша дайындық жұмыстары жалғасуда, 2019 жылдың маусым айында зертханааралық салыстыру зерттеулерінің бірінші кезеңі өткізілді, қыркүйек айында ЗСЗ-нің екінші кезеңі өткізіледі;
˗ Су, топырақ және өсімдік үлгілері алынды, талдау жүргізілуде;
- Жайық өзенінен және краннан алынған ауыз судың үлгілеріне ауыр металдар, хлоридтер мен көмірқышқыл газы құрамына талдау жасалады. SWAPTEL зертханасының қызметкерлері қыста Жайық өзенінде балықтардың қырылуына байланысты құқық қорғау органдарының қызметкерлерінің кеңесіне қатысты.
- Жобаға қатысушылар фермалардан, бау-бақша учаскелерінен, атап айтқанда Сарайшық ауылы, «алмалы бақ» ауданынан, университет аумағынан топырақ сынамаларын алып, талдау үшін дайындық жұмыстарын жүргізді;
˗ Негізгі зерттеу тобы осы жобаға қызығушылық танытатын және осы салада кәсіби өсуді қалайтын жас түлектер мен магистранттарды белсенді түрде жұмысқа тартады. Университет студенттерімен «Таза жағалар» сенбілігі өтті, «Атмосфералық ауаны қорғау» және «Экологиялық апаттар» тақырыбында дөңгелек үстелдер ұйымдастырылды.
2019 жылдың соңына дейінгі міндеттер:
- Салыстырмалы зерттеулер лаборатория арасындағы екінші және үшінші кезеңдердің өтуі;
- Атырау мемлекеттік университетінің студенттері үшін зертханалық сабақтар өткізу;
˗ Зертханада ашық есік күндерін ұйымдастыру;
- Университет студенттерімен ғылыми-зерттеу жұмыстарын жүргізу, республикалық ғылыми конкурстарға қатысу үшін ғылыми жұмыстар дайындау;
- Ұлттық зертханалық аккредиттеуден өту.
Ұлттық аккредитациядан кейін өндірістік кәсіпорындарға ақылы қызмет көрсету, келісім-шарт жұмыстарын орындау жоспарлануда.
2020 жылдан бастап топырақ, су және өсімдіктерді талдаудың кешенді әдісін қолдана отырып, зертхана сонымен қатар ауылшаруашылық өнімдерін өндіруге және жерге орналастыруға, тыңайтқыштарды, пестицидтерді уақытылы және экологиялық таза пайдалануға байланысты шығындарды азайту және басқа да шараларға қатысты белсенді шешімді ұсынады.
Жергілікті топырақты, су мен өсімдік ресурстарын сапалы талдаумен қатар, зертхана экологиялық зерттеулер саласында мықты кадрлар базасын (тәжірибелік зерттеушілер мен сарапшылар жиынтығы) құру және жергілікті қауымдастықтарды топырақты өңдеу және басқару, ауыз су және өсімдік шаруашылығы проблемалары бойынша оқыту алаңы ретінде қызмет етеді.
ПІКІРЛЕР