ЖУРНАЛИСТЕР ҰЛЫҚТАЛДЫ

ЖУРНАЛИСТЕР ҰЛЫҚТАЛДЫ

ЖУРНАЛИСТЕР ҰЛЫҚТАЛДЫ

Жуырда Мемлекет басшысы Қасым-Жомарт Тоқаевтың қаулысымен Үкімет жаңа қаулы қабылдады. Оған сәйкес Қазақстан журналистерінің мерекесі ресми 28 маусымға бекітіліп, ендігі әрі БАҚ саласы қызметкерлері ешқандай «байланысқа» байланбай, төл мерекелерін дербес атап өтуге мүмкіндік алды. Бұл ретте Атырау облысында да төртінші билік өкілдері бас қосқан бірқатар мерекелік шаралар болып өтті.  

Солардың бірі Қазақстан журналистер Одағы Атырау облыстық филиалы ұйымдастырған «Атырау-Ақпарат» ЖШС-ндегі жиын болды. Жиынға өңірдегі ардагер журналистер мен орта буын өкілдері, сондай-ақ, республикалық, облыстық, аудандық басылымдар мен телеарна, радиода қызмет істеп жүрген жас журналистер де қатысты. Олардың бірсыпырасы, атап айтсақ, «Қазақстан» РТРК АҚ Атырау облыстық филиалының «Жаңалықтар» қызметінің редакторлары И.Мерекен мен А.Хайруллина, atpress.kz ақпараттық порталының фототілшісі Р.Қойлыбаев, «Хабар» агенттігі «24 KZ» телеканалының тілшілер қосынының басшысы Б.Әлирахым, Назарбаев Зияткерлік мектебінің баспасөз хатшысы Ә.Жаманқұлов, «Жайық шұғыласы» аудандық газетінде бас редактордың орынбасары Б.Сүйеуова, «Atyray» телеарнасы Құрманғазы аудандық филиалының меншікті тілшісі А.Садықова және республикалық «Құлсары» газетінің жауапты хатшысы Қ.Құлбаевалар Қазақстан журналистер Одағының мүшелігіне қабылданды. Бұдан бөлек, Одақтың облыстық филиалы төрағасы А.Қалусариеваның қолынан куәлік пен төсбелгі иеленіп, мүшелікке енгендер қатарында «Мерейлі мекен» республикалық қоғамдық-саяси, ақпараттық-танымдық журналының арт редакторы Ө.Кенжеахметов, тілшісі Ә.Өмірзақов және «Прикаспийская коммуна» газетінің тілшісі Д.Канбетова мен «Ұстаздық еңбек» газетінің бас редакторы О.Махмудова болды.

Сонымен қатар, облыстың ақпарат саласына еңбегі сіңген біраз журналист Қазақстан журналистер Одағының алғыс хатымен, «Құрмет» грамотасымен марапатталды. Ал, ардагер журналистер Ә.Төлеуішов, К.Бақриденов, С.Халықов және Т.Дәрелов «Қазақстан журналистикасының қайраткері» медалін иеленсе, «Қазақстанның құрметті журналисі» атағы елімізге белгілі ардагер журналистеріміз – В.Шигаев пен Т.Ақымовқа бұйырды.

Шара соңы 65 жасар студент Т.Сатқанбаевтың өлеңдер жинағының тұсаукесерімен аяқталды.

 

Ө.САЛАУАТҰЛЫ.

ПІКІРЛЕР

Тізімге қайта оралу

Бүгін «НұрОтан» партиясының хатшысы -ҒабидоллаАбдоллаұлы Х.Досмұхамедов атындағы Атырау мемлекеттік университетінде болды

12 Сен 2019 17

Партия хатшысы алдымен оқу орнымен танысып, жастармен кездесу өткізді. Мұнда Президент Жолдауы жайында әңгімелер өріліп, Жолдауды іске асыру жолдары тілге тиек етілді. Жастармен кездесуде ашық әңгіме жүргізген Ғабидолла Абдоллаұлы жатақхана мәселесін де сөз етті. Студенттердің жатын орындарымен танысып, мән-жайды білген партия хатшысы өз сөзін былайша өрбітті.

Жолдауды талдау

12 Сен 2019 24

    ҚазақстанРеспубликасының Президенті Қ.К. Тоқаевтың «Сындарлы қоғамдық диалог – қазақстанның тұрақтылығы мен өркендеуінің негізі» – атты Қазақстан халқына Жолдауы 5 қыркүйек күні Атырау қаласының халыққа көмек көрсету орталығында  талқыланды.
    

Бизнеске бастар жол

12 Сен 2019 13

Бүгін университетімізде  Қазақстан Республикасы Қоғамдық даму министрлігінің мемлекеттік тапсырмасы шеңберінде «Жастар» ғылыми-зерттеу орталығы  «Мемлекеттік бағдарламалар арқылы жастарға кәсіпкерлікті қалай ашып, дамытуға болады» тақырыбында вебинар өткізді.