Табысқа жету жолы
Х. Досмұхамедов атындағы АтМУ студенттердің өзін – өзі басқару апталығы аясында студенттерге Корпоративті оқыту орталығының директоры Сұлтанова Зумрат Ғабитқызы«Табысқа жету жолы» атты тренингін өткізген еді.
Алғаш біздер дөңгелек бола отырып, өз есімдеріміздің тарихын айтып таныстық. Қатысушы – студенттер шағын топтарға бөлініп, «ортақ көзқарастар» рәсіміне кезек берілді. Ұжымда жұмыс істеу үшін аса маңызды болып көрінетін жеті қасиеттен тұратын тізімді құрастырдық. Әр саладағы жұмыстың кәсіпқойлығы мен адамдардың жалпы психологиясын терең түсіне білу. Осы маңызды жеті қасиеттерді жаза отырып, студенттер өз бойында табылуы керек екендігін және бойында табылуы маңызды екеніндігін түсінді.
Тренинг барысында Зумрат Ғабитқызы студенттерге ұжымда әр қызметкерді тыңдай білу, мәселені шешу, талқылау және шешуге көмектесу керек екендігін айтты.
«Суы бар тәрелке» жаттығуы студенттерді өте қатты қызықтырды. Өйткені, ұжымда өзара түсіністікті қалай дамыту керек екенін білді. Яғни, көзі жабық үнсіз студенттер шеңбер бойынша әріптестерінің қолын іздеу және жанасу арқылы суы бар тәрелкені беру.
Бұл тренинг барысында студенттер белсенді қатысты. Студенттер тренинг барысында айтылған кеңестер мен әдістемелерді міндетті түрде оқу да, жұмыста да, жеке өмірде де қолданады. Көңілді және оқыту ойындарының арқасында адам өзін әрі қарай дамуға, оқуға және өзін – өзі жетілдіруге түрткі болды.
Студенттер көптеген жаңа ақпараттарды біле отырып, табысты жету жолдарын түсінді. Жағымды атмосфера. Қажетті білім. Стимул. Осы үш ұғым барысында тренингтің жалғасын күтеміз.
Ерлан Баймағамбетов
Гуманитарлық ғылымдар және өнер факультетінің 3 курс студенті
ПІКІРЛЕР