Жігерлі жастар жұмысы...
Студенттік өзін-өзі басқару құрылымының ұйымдастыруымен студенттердің ғылыми-зерттеу жұмыстарына арналған «Science cafe» шарасы өтті.
Ғылым кеңістігінде көшін енді бастаған жас буынның жарқын жобалары көпшілікке ұсынылды. Жастардың білім және ғылым саласында бәсекеге қабілеттілігін арттыратын шарада Көптілді білім беру факультетінің 3 курс студенті Шакиров Заманбек пен Көптілді білім беру факультетінің 1 курс студенті Ізбасаров Есенбай өз ғылыми жобаларын сәтті қорғап шықты.
Шараны қорытындылаған Ғылым департаментінің директоры Мұсаева Айман Амангелдіқызы өз сөзінде жас ғалымдардың ұсынған жобаларына таңданысын жеткізіп сәттілік тіледі.
Апталықтағы шаралар биылғы «Жастар жылына» орай жастарды қолдауға арналды. Осындай игі бастамалар ізденімпаз жастарға әрдайым жігер береді.
Гүлназ Жұмағалиева Көптілді білім беру факультетінің 2 курс студенті
ПІКІРЛЕР