Белсенді болсаң биіктен көрінесің!
Студенттік өзін-өзі басқару апталығы аясында Студенттік өзін-өзі басқару құрылымының бастамасымен «ASU life» БАҚ өкілдері клубының ұйымдастыруымен өткен «Белсенділік жетістікке жетелей ме?» тақырыбындағы дөңгелек үстел өтті.
Университеттің қоғамдық жұмыстарына белсене араласып, оқумен жұмысты қатар алып жүрген студенттер арнайы қонақ болып, өз тәжірбиелерімен бөлісті. Шара барысында, жастардың студенттік өмірі, жеткен жетістіктері мен белсенділігі туралы сөз қозғалды. Белсенді жастар қоғамдық жұмыстардың сабаққа тигізер әсерін екі жақты қарастыру арқылы, олардың әртүрлі мамандығы белсенді болуына, қоғамдық жұмыстарға араласуына еш кедергі келтірмейтіндігін тілге тиек етті.
Кеш шымылдығын ашқан өзін-өзі басқару құрылымының президенті Ералыұлы Әлихан белсенді болудың қоғамға қажеттілігін атап өтіп, жастардың алдағы бастамаларына сәттілік тіледі.
Кеш тізгінін ұстаған Экономика және құқық факультетінің 1 курс студенті «Адал ұрпақ» ұйымының жетекшісі Сәбитов Әділет өз сөзінде белсенді болуының мектеп қабырғасынан басталғанын баяндап берді.
Айта кету керек, Павлодар қаласынан республикалық журналистика мамандығы бойынша олимпиададан 1 орын иегері Ақниет Сарбаспай да осы жетістігі туралы ортаға ой тастады. «Белсенді болсаң биіктен көрінесің!» дегенді қанатты сөзге айналдырған дөңгелек үстел басында бас қосқандар қоғамдық жұмыстармен ғана шектеліп қалмай облыс көлемінде де белсенді болу керек деген ой түйіп тарқасты.
Гүлназ Жұмағалиева, Көптілді білім беру факультетінің 2 курс студенті
ПІКІРЛЕР