«Тұлғалар аллеясы» салтанатты түрде ашылды
Бүгін Х.Досмұхамедов атындағы Атырау мемлекеттік университетінде Қазақстан Республикасының Тұңғыш Президенті - Елбасы Н.Ә.Назарбаевтың «Болашаққа бағдар: рухани жаңғыру» бағдарламалық мақаласы аясында еліміздің дамуына үлес қосып, білім, ғылым, мәдениет және өнер саласында айрықша із қалдырған Атырау өңірінің біртуар азаматтарына арналған «Тұлғалар аллеясының» салтанатты ашылу рәсімі өтті.
Салтанатты шараның алғы сөзі Атырау мемлекеттік университетінің ректоры, х,ғ.д., профессор - Талтенов Абзал Ахатұлына берілді.
Бүгінгі аллеяның ашылу салтанатына халқымыздың ардақты азаматтарының ұрпақтары, туыстары Мәскеу, Алматы, Нүр-Сұлтан, Ақтау қалаларынан және Атырау қаласынан қатынасып, құттықтау тілектерін білдірді. Олардың қатарында, Қазақстанның еңбек сіңірген қайраткері, Махамбет және Ахмет Байтұрсынов атындағы сыйлықтардың иегері, ақын- Жылқышиев Қойшығұл Өмірұлы, академик Зейнолла Қабдоловтың баласы- Қабдолов Бақыт қажы, Нұрмұхан Жантөриннің қызы- Жантөрина Бахыт Нұрмұханқызы, академик Салық Зимановтың келіні- Зиманова Жаннат Жүсіпқызы болды.
Шарамыздың маңызды кезеңі - бюсттерді ашу рәсімі болды. Яғни, Мұхамбет-Салық Бабажановтың бюстін ашу және гүл шоғын қою үшін Атырау облыстық ардагерлер кеңесінің төрағасы, Атырау облысының, Индер, Исатай аудандарының Құрметті азаматы Ризуанов Қатимолла Ризуанұлын және Атырау мемлекеттік университетінің профессоры, тарих ғылымдарының докторы, ардагер ұстаз Қыдыралин Үркінбай Сақтағанұлы, Мұрат Мөңкеұлының бюстін ашу және гүл шоғын қою үшін Атырау облысы Қоғамдық кеңес төрағасы, Атырау облысының Құрметті азаматы Өтешов Мұрат Сақтайұлын және «Құрмет» орденінің иегері, ардагер ұстаз Бақи Жиенбай Базарбайұлы, Бақтыгерей Құлмановтың бюстін ашу және гүл шоғын қою үшін Атырау облысының Құрметті азаматы, еңбек ардагері Қарасаев Орынғали Мұсаұлын және Атырау мемлекеттік университетінің профессоры, ауылшаруышылық ғылымдарының докторы Таубаев Бақтыбек Жұбандықұлы, Ығылман Шөрековтің бюстін ашу және гүл шоғын қою үшін Атырау инженерлік гуманитарлық университетінің ректоры, физика-математика ғылымдарының докторы, профессор Ихсанов Ерсайын Уалитханұлын және Ығылман Шөрековтің жиені Құрманғазиева Гүлнар Тасқалиқызы және Салық Зимановтың бюстін ашу үшін Құрманғазы ауданының Құрметті азаматы, еңбек ардагері Нұрғалиев Айтқали Нұрғалиұлын және академик Салық Зимановтың немересі Зиманов Ербол Мұқтарұлын шақырылды. Сондай-ақ, Зейнолла Қабдоловтың бюстін ашу үшін Атырау университетінің профессоры, филология ғылымдарының докторы Қадыр Жүсіп Өтегенұлын және академик Зейнолла Қабдоловтың ұлы Қабдолов Бақыт Зейноллаұлы, Нұрмұхан Жантөриннің бюстін ашу үшін Қазақстан Жазушылар одағы Атырау филилалының төрағасы, Қазақстанның еңбек сіңірген қайраткері, Махамбет және Ахмет Байтұрсынов атындағы сыйлықтардың иегері, ақын Жылқышиев Қойшығұл Өмірұлын және Қазақстанның халық әртісі Нұрмұхан Жантөриннің қызы Жантөрина Бахыт Нұрмұханқызы,Әбіш Кекілбаевтің бюстін ашу үшін еңбек ардагері Кушенов Жавкен Хайралиұлын және жазушы, мемлекет және қоғам қайраткері, ҚР Еңбек Ері Әбіш Кекілбаевтың ұлы Кекілбаев Дәулет Әбішұлы шақырылды.
Бүгінгі шараның ашылу салтанатына елімізге танымал тұлғалардан, ел зиялыларынан құттықтаулар келіп түскен болатын. Сондай құттықтаулардың қатарында : Қазақстан Республикасының Ресей Федерациясындағы төтенше және өкілетті елшісі Тасмағамбетов Иманғали Нұрғалиұлынан құттықтау хаты да болды. Арнайы келіп түскен құттықтау хаты шара барысында қатысушыларға оқылды.
Салтанатты шара соңында қатысушыларға алғыс білдіріп, ескерткіш жанына фотоға түсуге шақырды.
ПІКІРЛЕР