SUSDEV: оқыту және халықаралық ынтымақтастық
2016 жылы Атырау университеті қазақстандық, ресейлік және еуропалық университеттермен бірге Erasmus+ бағдарламасы бойынша «Тұрақты даму үшін өмір бойы оқыту» 574056-ЕРР-1-2016-1-РL-ЕРРКА2 «SVNE-SP» (Тұрақты даму / SUSDEV) жобасы іске қосылды.
Жоба адам өмірінің әр түрлі кезеңдерінде орнықты даму үшін оқытуды жетілдіруге бағытталған және құрылымдық болып табылады. Атырау мемлекеттік университеті бастауыш сыныптар мен мектепке дейінгі білім берудің тұрақты дамуын қамтамасыз етуге арналған материалдарды әзірлеуге үнемі үлес қосады. Жоба қатысушылары бағдарламалар дайындап және білім беру үдерісіне «Бастауыш мектептерде тұрақты дамудың негіздерін оқыту әдістемесі», «Мектепке дейінгі мекемелерде тұрақты дамудың негіздерін оқыту әдістемесі» және «Тұрақты даму және корпоративтік жауапкершілік» пәндерін енгізді. Бағдарламалар дайындау барысында балабақша тәрбиешілері мен бастауыш сынып мұғалімдеріне арналған онлайн-курстар өткізілді.
Жобаның шеңберінде, 2019 жылғы 17-24 наурызда білім департаментінің директоры, жобаның координаторы А. Мусаева мен стратегиялық, инновациялық және халықаралық даму департаментінің директоры Г.К. Шамбилова Польша мемлекеті бойынша ең ірі, Еуропа бойынша ең ежелгі Краков қаласындағы Ягеллония университеті базасында өткізілген воркшоп жұмысына қатысты. Воркшопта академиялық ұтқырлық және халықаралық ынтымақтастық мәселелері талқыланып, «жасыл» дағдыларды қалыптастыру бағытында оқу курстарын құру бойынша практикалық білімді алуға бағытталған.
Барлық іс-шаралар Ягеллония университетінің химия факультетінде өткізілді, оның ғимараты тек экологиялық таза материалдарды қолданып, жаңа технология бойынша салынған. Стратегиялық, инновациялық және халықаралық даму департаментінің директоры Г. Шамбилова гранттық қаржыландыру шеңберінде жүргізген зерттеу жобасына қызығушылық танытқан химия факультетінің деканы Лучиано Чмиеларжбен кездесті. Сондай-ақ жобаның серіктес жоғары оқу орындарымен, атап айтқанда Ресей мен Польша университеттерімен халықаралық ынтымақтастық туралы меморандумдар дайындалды.
Кездесуде қатысушылар Ягеллония университетінің ботаникалық, зоологиялық, анатомиялық және геологиялық мұражайларында болды. Оңтүстік Корея Posco Engineering and Construction компаниясы салған қалдықтармен жұмыс істейтін жылу электростанциясына барды. ЖЭС электр қуаты 11 МВт, жылу қуаты - 35 МВт. Жыл ішінде жаңа ЖЭО қазандықтарында 220 мың тонна тұрмыстық қалдықтар жағылады. Бұдан басқа, қалдықтарды жағу күлі жол құрылысы үшін материал ретінде пайдаланылады.
Кездесу соңында жобалық құжаттаманы жеткізудің нәтижелері мен міндеттері анықталды. Барлық әзірленген материалдар жобаға қатысатын ЖОО-лардың оқу үрдісінде және ғылыми-зерттеу жұмыстарында қолданылатын болады.
ПІКІРЛЕР