Ғалым, ұстаз, журналист Теңдік Жауыров оқулары аясында өтетін «Шандоз» І республикалық студенттерге арналған ғылыми және шығармашылық жұмыстар байқауы

Ғалым, ұстаз, журналист Теңдік Жауыров оқулары аясында өтетін «Шандоз» І республикалық студенттерге арналған ғылыми және шығармашылық жұмыстар байқауы

Халел Досмұхамедов атындағы Атырау мемлекеттік  университеті Гуманитарлық  ғылымдар және өнер факультеті, журналистика кафедрасының ұйымдастыруымен «Теңдік Жауыров - ғалым, ұстаз, журналист» ғылыми-практикалық конференциясы аясында өтетін Теңдік Жауыров атындағы «Шандоз» І республикалық студенттерге арналған ғылыми және шығармашылық жұмыстар байқауын жариялайды.  

Байқаудың мақсаты – жоғары оқу орындары студенттері және жас ғалымдардың ғылыми әлеуетін көтеру, ізденісін арттыру, шығармашылық қабілеттерін шыңдау.

Байқау міндеттері – ғалым, ұстаз, журналист Теңдік Жауыров атындағы «Шандоз» І республикалық студенттерге арналған ғылыми және шығармашылық жұмыстар байқауын Халел Досмұхамедов атындағы Атырау мемлекеттік  университетінде дәстүрлі түрде өтіп тұратын байқауға айналдыру. Студенттің ең үздік ғылыми жұмысына, публицистік шығармасына, ғылыми-зерттеу жобаларына байқау жарияланады. Байқауға қатысатын жұмыстардың мазмұны конференцияда талқыланатын тақырыптарды қамтуы керек.

Конференцияда талықыланатын тақырыптар:

- Т.Жауыров шығармашылғының қазақ журналистикасындағы маңызы

- Тұңғыш Елбасы Н.Назарбаевтың «Ұлы даланың жеті қыры» мақаласында айтылған ұлттық құндылықтардың БАҚ-та берілуі

- Отандық БАҚ-тағы жастар мәселесінің көтерілуі

 

Байқау номинациялары:
- Ең үздік ғылыми жоба;
- Ең үздік публицистика;
- Ең үздік халықаралық сараптама;
- Т.Жауыровтың өмірі мен шығармашылығына арналған ең үздік мультимедиалық жоба.

Байқау материалдары 2019 жылдың 20 сәуіріне дейін қабылданады. Байқау нәтижелері 2019 жылдың 26 сәуірде шығарылады. 

Байқау жеңімпаздарына ғалым, ұстаз, журналист Теңдік Жауыров атындағы арнайы стипендия, «Атырау» облыстық қоғамдық-саяси газеті редакциясының арнайы жүлдесі, журналистика кафедрасының меңгерушісі М.Мұқашеваның арнайы шәкіртақысы тағайындалды.

Қосымша ақпарат:

Жауыров Теңдік Жауырұлы 1934 жылы 13 сәуірде Атырау қаласы Томарлы ауылында туған. Танымал журналист-қаламгер, академиялық доцент.

Гурьев педагогикалық училищесін және С.М.Киров атындағы Қазақ мемлекеттік университеті филология факультетінің журналистика бөлімін үздік дипломмен (1957 ж.) бітірген.

Еңбек жолын облыстық «Социалистік құрылыс» (қазіргі «Атырау») газетінде әдеби қызметкер болып бастаған. Әр жылдары Атырау облыстық партия комитетінде баспасөз жөніндегі нұсқаушы баспасөз жөніндегі нұсқаушы және бөлім меңгерушісі Журналистер одағы облыстық ұйымы басқармасының төрағасы, халықаралық саяси-апталық «Түркістан» газетінің Батыс аймақтағы меншікті тілшісі (1996-1997), «Ар-честь» (Сахара) және «Вечрний Атырау-Атырау ақшамы» гзеттері Бас редакторының бірінші орынбасары, Х.Досмұхамедов атындағы Атырау мемлекеттік университеті журналистика бөлімінде оқытушы қызметтерінде болған.

«Аудан ақиқаты және жұмысшы село тілшілері» (1977), «Каспий құдаң емес» (1996), «Мұнай тарихы», «Таумыш» (1999), «Атырау әзілқойлары» (2002), «Жер кіндігі» (2003), Атырау ақын-жазушыларының 100 томдығында, «Желідегі ағын» (2006) атты ғылыми-зерттеу, деректі публицистикалық кітаптары жарық көрген. Теңдік Жауырұлы тұңғыш Атырау энциклопедиясы авторларының бірі.

«Құрмет Белгісі» орденімен, «Еңбекте үздік шыққаны үшін», «Ерлік еңбегі үшін», «Еңбек ардагері» медальдарымен, Қазақ КСР Жоғарғы Кеңесі Президиумының Құрмет грамтомасымен және басқа да көптеген Құрмет грамоталарымен, Алғыс хаттармен марапатталған. Қазақстан Журналистер одағы сыйлығының лауреаты (1994).

Ескерту: Байқауға қатысқан материалдарына арнайы құрылған қазылар алқасы төрелік етеді. Сондай-ақ, материалдар редакциялық таңдаудан өтіп, конференцияның арнайы жинағына енгізіледі. Материалдар электронды нұсқада atyrau.univer@mail.ru почтасына қабылданады.

АҚПАРАТ ҮШІН:

Жетекшісі: Мұқашева Мәншүк Тынышқалиқызы, филология ғылымдарының кандидаты, қауымдастырылған профессор, Журналистика кафедрасының меңгерушісі. Моб.тел-87017106376.

Конференцияның жауапты хатшысы: Анар Жұмабаева магистр, аға оқытушы, моб.тел:87023243997.

Ақпараттық хатшы - Ж.Ғалымұлы, моб.тел-87025660010

  

 

ПІКІРЛЕР

Тізімге қайта оралу

Халық қасіреті – ел жадында

25 Июн 2019 9

29-31 мамыр аралығында Алматы қаласы Қазақстан Республикасының Ұлттық кітапханасында 31 мамыр – Саяси қуғын-сүргін және ашаршылық құрбандарын еске алу күніне орай «Ашаршылық пен үлкен террордың тарихи сабақтары» атты халықаралық ғылыми-тәжірибелік конференция жұмысына  орталық директоры, т.ғ.д., ппрофессор А.Ахмет қатынасты.

«Қазақстан дамуының 10 бағыты»

25 Июн 2019 7

Осындай тақырыппен кеше Х.Досмұхамедов атындағы Атырау мемлекеттік университетінің «Әзербайжан мәдени орталығында» Қазақстан Республикасы Президенті Қ.К.Тоқаевтың ұлықтау рәсіміндегі белгіленген жоспарын талқылауға байланысты дөңгелек үстел болып өтті.

Жас өрендер Қадыр Жүсіппен жүздесті

24 Июн 2019 25

Бүгін Х. Досмұхамедов атындағы Атырау мемлекеттік университетінде қазақ тілі және әдебиеті кафедрасының профессоры, филология ғылымдарының докторы, ақын Қадыр Жүсіппен кездесу өтті.

БАҚ арасындағы бәсеке

24 Июн 2019 23

23 маусым күні Атырауда облыстық әкімшіліктің қолдауымен, Ішкі саясат басқармасының ұйымдастыруымен «Байланыс және ақпарат қызметкерлері» күніне арналған  БАҚ өкілдері арасында спорттық ойындар жарысы өтті.