2018 жылғы ЖОО-ның үздік оқытушысы
Жыл сайын еліміздегі ЖОО-ның профессор-оқытушылар құрамының педагогикалық және ғылыми шеберлігін саралайтын «ЖОО-ның үздік оқытушысы» байқауының қорытындысы шығып, 2018 жылдың үздіктері анықталды.
Байқауға республикамыздың 80 жоғары оқу орындарынан 481 үміткер қатысты. Еліміздің 43 жоғары оқу орнынан 200 адам «Жоғары оқу орнының үздік оқытушысы» атағының иегері болды.
Аталмыш байқаудың үздіктері қатарынан Х.Досмұхамедов атындағы Атырау мемлекеттік университетінің оқытушылары «2018 жылғы ЖОО-ның үздік оқытушысы» атағына ие болып отыр.
- Кайргалиева Гулфайруз Кайргалиевна – Гуманитарлық ғылымдар және өнер факультетінің деканы, тарих ғылымдарының кандидаты;
- Утепкалиева Кансулу Мусаевна – Экономика және құқық факультетінің деканы, экономика ғылымдарының кандидаты;
- Мукашева Манчук Тынышкалиевна – Журналистика кафедрасының меңгерушісі, филология ғылымдарының кандидаты, қауымдастырылған профессор;
- Сабирова Жанылсын Нурмухановна – Психология және арнайы білім беру кафедрасының доценті, психология ғылымдарының кандидаты;
- Дюсебалиева Соледад Сагиновна – Құқықтану кафедрасының қауымдастырылған профессоры, заң ғылымдарының кандидаты;
Оқытушылар осындай атаққа ие болуымен қатар, әлемнің жетекші университеттерінде тағылымдамадан өтуге және зерттеу жұмыстарын жүргізуге мүмкіндік беретін гранттардың иегерлері атанды. Байқау халықаралық серіктестікті нығайту және жоғары оқу орындары өкілдерінің шығармашылық әлеуетін арттыруға, сонымен қатар, ғылымның жаңа бағыттары бойынша халықаралық конвенция талаптарына сәйкес кәсіби қайта даярлықтан өту мен біліктілікті арттыруды көздейді.
Х.Досмұхамедов атындағы Атырау мемлекеттік университеті жеңімпаздарын мақтан тұтады!
Ғылым департаменті
ПІКІРЛЕР