БОЗАНҰЛЫН ЕЛ БІЛСЕ...
Профессор Хисмет Бозанұлына арналған халықаралық конференцияға Түркиядан келіп тұрмыз.
Ағамыз бар білімі арқылы ел үшін еңбек еткен. Ол, өлкетанушы, журналист ретінде Атырауды алғашқы зерттеушілердің бірі. Осы өлкенің тарихын зерттеп, зерделу барысында көптеген құндылықтарға қол жеткізе отырып, әлемдік деңгейде қалам тербей білді деп есептеймін.
Хисмет Бозанұлы секілді тұлғаны тануға деген елдің көзқарасы мен қолдауы оның мұраларына деген сүйіспеншіліктің арта түскендігі біздерді қуантады. Оның үстіне Елбасы Н. Ә. Назарбаевтың «Ұлы даланың жеті қыры» атты мақаласын негізге ала отырып, Хисмет Табылдиевке арналған халықаралық ғылыми-практикалық конференцияны атыраулықтар жоғары деңгейде ұйымдастырды деп баға бере аламын. Себебі, Хисмет аға секілді, еліне пайдалы іс жасап, артына асыл мұра қалдырған тұлғаларды өскелең ұрпаққа таныта беру бүгінгілердің басты парызы.
Хисмет Бозанұлын ел жұрт біле түссе, оның есімін ұрпақ жадында қалдыру үшін әртүрлі шаралар ұйымдастырылса, Табылдиевке көше атауы берілсе, нұр үстіне нұр болар еді.
Конференцияда бас қосқандардың пікірі осыған саяды. Менде толыққанды қосылатынымды айтқым келеді.
Әбдіуақап Қара - Миман Синан Көркем университетінің профессоры,
Түркия, Стамбул қаласы
ПІКІРЛЕР