«Жастар жылы» - ұлы істердің бастауы

«Жастар жылы» - ұлы істердің бастауы

Бүгін Елбасы Н.Назарбаевтың қатысуымен «Жастар жылы» ресми түрде өз бастауын алды. Яғни, Астанада ЭКСПО-2017 «Нұр әлем» көрме кешенінің павильонында ҚР Президенті Нұрсұлтан Назарбаевтың қатысуымен «Тәуелсіздіктің ұрпақтары» атты Жастар жылының салтанатты ашылу рәсімі өтті.

Елбасымыздың қатысуымен өткен шарада 115 жоғары оқу орны мен 479 колледж жастары жиналды. Мұнда еліміздің дамуына үлес қосып жүрген жастарымыз өздерінің ойлары мен ұсыныстарын ашық білдірді. Атап айтар болсақ, жерлесіміз- белсенді жастардың бірі Тамила Розметова алма бағының дамуына өз үлесін қосқандығын атап өтті. 27 жастағы Тамила 2013 жылдан бері еліміздегі ең үлкен ешкі фермасын басқарады. Айтуынша жиырмаға жуық сүт өнімдерін сатылымға шығарған.

-Мен 27-демін. Фермермін. 5 жылдан бері ешкі фермасын басқарамын. Бұл зауыт Альпі ешкілерінің сүт өнімдерін шығару мен өңдеумен айналысады. Біздің фермамызда мыңдаған ешкі бар. 15-тен астам сүт өнімін экспортқа шығарамыз. Менің хоббиім – ірімшік қайнату. Әртүрлі ірімшік түрлерін ойлап табамын. Туған жеріме арнап «Атырау ірімшігін» шығардым. Бұл өз Жолдауыңызда айтқандай қауіпсіз өнім. Ұжымда 80-нен астам адам бар. Көпшілігі жастар. Біз жас болсақ та, көп нәрсеге қол жеткіздік, - деді Тамила Розметова Елбасы алдында сөйлеген сөзінде.

Айта кетсек, Жастар жылының ашылуына Үкімет мүшелері, ҚР Парламенті депутаттары, жергілікті атқарушы орган басшылары, ҚР Президенті жанындағы Жастар саясаты кеңесінің мүшелері, «100 жаңа есім» байқауының жеңімпаздары, «Болашақ» бағдарламасының түлектері, жас ғалымдар қатысты.

Осы салтанатты жиынның ашылуын онлайн тыңдауға Х.Досмұхамедов атындағы Атырау мемлекеттік университетінің ұстаздары мен студенттері қатысты. Және де осы жиынның жүру барысын әлеуметтік желілерде жариялап, оқырмандарымен бөлісіп отырды.

 

Назерке Жаңбырбай

 

ПІКІРЛЕР

Тізімге қайта оралу

«GUITAR» кеші өтті

15 Ноя 2019 14

Бүгін Х.Досмұхамедов атындағы Атырау мемлекеттік университетінінде гуманитарлық ғылымдар және өнер факультеті, музыка және өнер кафедра студенттерінің ұйымдастыруымен «GUITAR» кеші  өтті.

Облыстық байқау өз мәресіне жетті

15 Ноя 2019 34

Х.Досмұхамедов атындағы Атырау мемлекеттік университетінде ұйымдастырылған қазақтың заңғар жазушысы Әбіш Кекілбаевқа арналған облыстық байқау өз мәресіне жетті.  

Әбіштің XX томдығы

15 Ноя 2019 75

Х.Досмұхамедов атындағы Атырау мемлекеттік университетінің 70 жылдығымен бірге қазақ прозасының кеңістігін кеңейткен кемеңгер жазушы Әбіш Кекілбаевтың 80 жылдығы орайлас келіп отыр.

Әлем назарындағы Әбіш

15 Ноя 2019 35

Көрнекті мемлекет қайраткері, Қазақстанның Еңбек ері, Халық жазушысы, мемлекеттік сыйлықтың лауреаты Әбіш Кекілбаев- жүректерді жан жылуымен ерітіп, проза әлемінің биік шыңдарын өз еркіне бағындырған дара тұлға.

Әбіш Кекілбаев туралы айшықты ойлар

15 Ноя 2019 47

Қазақстанның Еңбек Ері, Қазақстанның халық жазушысы, Қазақстан Республикасы Мемлекеттік сыйлығының иегері, қазақ әдебиетінің классигі, көрнекті мемлекет және қоғам қайраткері Әбіш Кекілбаев туралы білмейтін қазақ кемде-кем. Бүгін назарларыңызға жазушы туралы «Әбіш Кекілбаев – замана заңғары, сөз зергері» атты республикалық ғылыми-практикалық конференцияда  айтылған орамды ойлар топтамасын ұсынамыз.