«Ұлы даланың жеті қыры» мақаласын іске асыру шараларын талқылады
Мемлекет басшысының «Ұлы даланың жеті қыры» мақаласын Х.Досмұхамедов атындағы Атырау мемлекеттік университетінің тарихшы ұстаздары үлкен серпіліспен қабылдады.
22 қарашада өткен кафедра мәжілісінде Қазақстан және дүниежүзі тарихы кафедрасының профессор-оқытушылары Елбасы мақаласымен танысқаннан кейінгі пікірлерін ортаға салды. Мақаладан туындайтын арнайы жобалар жайында пікір алмасқан ғалымдар бірнеше бағыттарды айқындады. Мақалада айтып өткендей, тарихи сананы жаңғыртуға қатысты ірі жобаларды іске асыру бойынша тарихшылар тарапынан өңірлік кіші жобалар мен арнайы ғылыми-зерттеу жұмыстарын ұйымдастыруға арналған бірқатар ұсыныстар талқыланды. Олардың қатарында Атырау өңірінің тарихы, архивпен байланысты іс-шаралар, өңір жастарына тарихи сананы жаңғыртуға арналған жобалар, монографиялар мен тарихи-танымдық зерттеулер, практикалық маңызды жобаларды жан-жақты іске асыру сияқты жұмыстар бар. Гуманитарлық ғылым саласынан бейнелеу өнері, музыка саласы бойынша да кешенді бірлескен жобалардың да қажеттілігі айтылды.
Г.КАЙРГАЛИЕВА
ПІКІРЛЕР