Русистика бойынша симпозиум

Русистика бойынша симпозиум

2018 жылдың 11-14 қазан аралығында Болгарияның Велико-Тырново қаласында Әулиелер Кирилл мен Мефодий атындағы ірі мемлекеттік университетінде «Қазіргі әлемдегі русистика» атты ХІІ Халықаралық симпозиум өтті.

Симпозиум Великотырново университеті русистика кафедрасының 55-жылдығына орай МАПРЯЛ-дың (Орыс тілі мен әдебиеті оқытушыларының халықаралық ассоциациясы) қолдауымен өткізілді.

ХІІ Халықаралық симпозиум әлемнің әр елдерінен, атап айтсақ Болгария, Ресей, Қазақстан, Польша, Сербия, Румыния, Жапония, Украина, Тайваннан орыс тілі мен әдебиетін зерттейтін ғалымдарды жинады.

Симпозиум жұмысына «Аударма мәселелері» бөлімінде Х.Досмұхамедов атындағы Атырау мемлекеттік университетінің орыс филологиясы кафедрасының қауымдастырылған профессоры, ф.ғ.к. Дүтбаева С.С. қатысып, «Орыс тілді аудармада Н.Фурнаджиевтің махаббат лирикасындағы адамгершілік және эстетикалық құндылықтарының сақталуы» тақырыбында баяндама жасады. Баяндама шет тілдері және қолданбалы лингвистика кафедрасының оқытушысы С.В.Арсениевпен (Болгария, София, УНМХ) бірігіп дайындалған.

Симпозиум орыс тілі мен әдебиетін оқыту әртүрлі елдердің өзара қарым-қатынастарының дамуы мен қазіргі әлемдегі мәдениеттің өзара әсер етуіне ықпал жасайтындығын дәлелдеді.

ПІКІРЛЕР

Тізімге қайта оралу

Хабарландыру!

9 Июл 2020 46