"Табиғатты пайдалану экономикасы" пәнінен қонақ дәрісі өтті
2018 жылдың 16 қазанында 5В050600 «Экономика» мамандығының 4 курс студенттеріне Экономика кафедрасының ұйымдастыруымен «Табиғатты пайдалану экономикасы» пәнінен "Оңтүстік-Батыс мал шаруашылығы және өсімдік шаруашылығы ғылыми-зерттеу институты" ЖШС Атырау филиалының ғылыми қызметкері, орман шаруашылығы инженері Тимур Мусинмен "Қазақстанның биологиялық ресурстары, оларды қорғау және тиімді пайдалану мәселелері" тақырыбында қонақ дәрісі өтті.
Дәріс барысында Тимур Мусин Қазақстанның биологиялық ресурстарын тиімді пайдалану мәселелері мен орман ресурстарын экономикалық бағалау ерекшеліктері, бағалау белгісі, көрсеткіштері және әдістері, орман рентасы жайлы баяндады. Студенттер қонақ дәрісіне қызығушылық білдіріп, қонаққа көптеген сұрақтар қойды. Сұрақтардың көбісі орман қатынастарының құқықтық негіздері, оны экономикалық реттеу мен ренталық қатынастар жайлы болды.
Экономика кафедрасында алдағы уақытта теория мен тәжірибені ұштастыру мақсатында қонақ дәрістері жалғасын таппақ.
ПІКІРЛЕР