Қазақстан Республикасының Президенті Кеңсесінің бастығы Махмұд Қасымбековпен кездесу
2018 жылдың 18 қыркүйегінде Х.Досмұхамедов атындағы Атырау мемлекеттік университетінің профессор-оқытушылар құрамы және білім алушы жастары Қазақстан Республикасы Президенті Кеңсесінің бастығы – ҚР Тұңғыш Президенті – Елбасы кітапханасы директорының міндетін атқарушы Махмұд Қасымбековпен кездесті.
Қазақстан Республикасының Тұңғыш Президенті-Елбасы кітапханасының «Н.Назарбаев: дәуір, тұлға, қоғам» атты көшпелі жобасы аясында өткен іс-шараның ашылуында Х.Досмұхамедов атындағы Атырау мемлекеттік университетінің ректоры Абзал Талтенов сөз сөйлеп, сөз кезегін ҚР Тұңғыш Президенті – Елбасы кітапханасы директорының міндетін атқарушы Махмұд Қасымбековке берді.
Махмұд Қасымбеков бұл іс-шараның ауқымды ғылыми-білім беру, мәдени ағартушылық, сондай-ақ Атырау облысы бойынша көшпелі экскурсияларды қамтитынын, тәуелсіз Қазақстанның қалыптасуы мен дамуын, қоғамның саяси мәдениетінің тарихи эволюциясын және осы үдерістердегі Қазақстан Республикасының Тұңғыш Президенті – Елбасының тұлғалық рөлін сипаттайтын деректерді жүйелі түрде ұсыну керек екендігін атап өтті.
Және де, сөз соңында, Елбасы туралы жазылған жинақтарды, атап айтар болсақ, 23-томдық қазіргі таңда тарихи дерекке айналып отырған «Н.Назарбаев: дәуір, тұлға, қоғам» деген атаумен жарық көрген жинақты Х.Досмұхамедов атындағы Атырау мемлекеттік университетінің ректоры Абзал Талтеновке табыс етті.
Кездесу барысында, оқытушылар осы тақырып аясында көкейлерінде жүрген сұрақтарына жауап алып, пікір алмасты.
Бұл жоба Елбасы кітапханасының жинақтарынан ұсынылған қор көрмесіне негізделгенін, жинақталып, жүйелендірілген архивтік, кітап, жәдігерлік кешендер тәуелсіздігіміздің, Қазақстандағы Президенттік институттың қалыптасуы мен даму тарихы жайлы баяндайтын бірегей зерттеу, талдау, мәдени-ағартушылық, білім беру, ақпараттық алаңын ұсынылатыны айтылды.
ПІКІРЛЕР