Сапалы оқулық - болашақ негізі
«Жаңа гуманитарлық білім. Қазақ тіліндегі 100 жаңа оқулық» жобасы аясында мемлекеттік тілде психология ғылымы бойынша аударылған оқулық психология және арнайы білім беру кафедрасы оқытушыларының қатысуымен талқыланды.
Ауқымды талқылау кеңесін әлеуметтік мәселелер және жастар саясаты жөніндегі проректоры Л.Ерболатқызы ашып, оқулықтарды оқу үрдісіне пайдалану қажет екендігін айтты.
Инновациялық білім беру факультетінің деканы, педагогика ғылымдарының докторы А.Мұхамбетжанова осы мамандық бойынша білім беретін оқытушылар мен студенттер үшін ерекше оқулық екендігін және биылғы оқу жылында білім беру бағдарламасына енгізілетіндігін атап өтті.
Аударылған оқулықтардың ішінде Дуэйн Шульц пен Сидней Эллен Шульцтың «Қазіргі психология тарихы» атты оқулығы бойынша магистр, аға оқытушы А.Султангалиева мен А.Абдрахманова оқулықтың маңыздылығы мен құндылығы туралы мағлұматтар берді. Дэвид Дж. Майерс «Әлеуметтік психология», 12-басылым, Эллиот Аронсон «Көпке ұмтылған жалғыз: әлеуметтік психологияға кіріспе», 11-басылым оқулықтары бойынша психология ғылымдарының кандидаты Ж.Сабирова мен психология және арнайы білім беру кафедрасының меңгерушісі, п.ғ.к. Г.Шұғаева оқулықтарға тоқталып, кеңінен талқылады.
Ғылыми кітапхана директоры м.а. З.Ибрашева оқытушылар мен студенттер үшін қолжетімді түрде оқулықтарды алуға болатындығын айтты.
ПІКІРЛЕР