ЛАТЫН ГРАФИКАСЫНА КӨШУДІҢ АЛҒЫШАРТТАРЫ пленарлық мәжілісте талқыға салынды

ЛАТЫН ГРАФИКАСЫНА КӨШУДІҢ АЛҒЫШАРТТАРЫ пленарлық мәжілісте талқыға салынды

ЛАТЫН ГРАФИКАСЫНА КӨШУДІҢ АЛҒЫШАРТТАРЫ  пленарлық мәжілісте талқыға салынды

Атырау облысы әкімдігі мен Х.Досмұхамедов атындағы Атырау мемлекеттік университеті бірлесіп өткізіп жатырған Қазақстан Республикасы Президентінің «Болашаққа бағдар: рухани жаңғыру» бағдарламалық мақаласын жүзеге асыру аясындағы «Қазақ жазуын латын әліпбиіне көшіру: жаһандану жағдайындағы мемлекеттік тілдің дамуы» халықаралық ғылыми-практикалық конференциясы пленарлық мәжіліспен жалғасты.

Халықаралық ғылыми-практикалық конференцияның пленарлық мәжілісі сәні мен салтанаты келіскен «Салтанат сарайы» кешенінде өтуде.

Шара жұмысында модератор Х.Досмұхамедов атындағы Атырау мемлекеттік университетінің ректоры, х.ғ.д., профессор Абзал Талтенов: "Құрметті достар! Міне, бүгінгі халықаралық жиынға конференция тақырыбы бойынша кәсіби мамандар, елімізге танымал қоғам, мемлекет қайраткерлері, тіл мамандары, ғалымдар қатысып отыр. Өздеріңіз білесіздер, Қазақстанда латын графикасына көшуге үлкен уақыт берілді, әлемдік тәжірибеге негізделген талдаулар жасалды. Олардың қатарында посткеңестік мемлекеттердегі, түркітілдес мемлекеттердегі тәжірибелер де назарға алынды, кеткен кемшіліктерден сабақ алуға, табысты тұстарын қабылдауға мүмкіндік болды. Бүгінгі конференция жұмысына ана тілін латын графикасына көшірген бұрынғы кеңестер Одағы құрамында болған түркітілдес мемлекеттердің де ғалымдары қатысуда. Сондықтан бүгінгі ғылыми басқосуда қазақ тілінің латын графикасы негізіндегі әліпбиіне байланысты жан-жақты пайымдар жасалып, қажетті кеңестер де аламыз деп ойлаймын. Барша конференция қонақтарына, Түркия, Әзірбайжан, Өзбекстан, Қырғызстаннан, еліміздің жан-жағынан келген барлық ғалымдарға, мамандарға ризашылығымызды білдіремін",-деді.

Конференцияның теориялық бөлімі басталмас бұрын Абзал Ахатұлы бүгінгі конференциямызға қатысып отырған елімізде ана тіліміздің дамуына зор еңбек сіңірген ғалым-қайраткер, халқымыздың дарынды ұлдарының бірі, қасиетті Атырау жерінің төл тума перзенті Хасанов Бақытжан Хасанұлы ағамызды мерейлі 80 жасымен құттықтап, университет атынан дарынды тұлғаларға арналған алтын төс белгісін табыстады.
Атырау облысының әкімі Нұрлан Асқарұлы Ноғаев өз сөзінде: "Сонымен қатар латын әліпбиіне көшу – бұл біздің мемлекеттік тіліміз – қазақ тілінің дамуына, заманауи ғылым мен технологияның тіліне айналуына зор ықпал ететін фактор екені талас тудырмайды. Сондықтан осы конференция аясында қазақ тілін дамытудың теориялық және тәжірибелік мәселелеріне байланысты ғалымдарымыз өз ойларымен бөлісіп, құнды ұсыныстар айтады деген сенімдеміз. Конференция барысында жасалған ғылыми баяндамалар мен қабылданған ұсыныстар талқыға салынып отырған өзекті сұрақтар бойынша ғылыми-практикалық, әдіснамалық жағынан нәтижелі болады деп ойлаймын", - деді.
Мəжілісте қазақ жазуын латын əліпбиіне көшіру мəселесі, ондағы алғышарттар мен тетіктерді, тіл мəдениетін зерделеу жұмыстары талқылануда.


ПІКІРЛЕР

Тізімге қайта оралу

Шетелдік ғалым дәріс оқуда

13 Ноя 2019 41

    Х.Досмұхамедов атындағы Атырау мемлекеттік университетінің "Химия және химиялық технологиялар" кафедрасында шетелдік ғалымдарды шақыру бағдарламасы бойынша ғалым, қауымдастырылған профессор, ғылыми-техникалық қолданбалы орталықтың PhD докторы Артвина Коруха өз жұмысын бастады.

Мәңгілік ел жастары – индустрияға!

13 Ноя 2019 32

Бүгін университетімізде ҚР Ақпарат және қоғамдық даму министрлігінің тапсырысымен Елордамыз Нұр-Сұлтан қаласындағы «Зерттеуші» Республикалық ғылыми-білім беру орталығы Жастар жылына арналған әлеуметтік жобасы аясында «Мәңгілік ел жастары - индустрияға» («Серпін») жобасы шеңберінде студенттермен кездесу өтті.

Әділетті жеңісімен құттықтаймыз!

13 Ноя 2019 18

Аталмыш шара жастар жылы аясында "Азаматтық бастамаларды қолдау орталығы" КЕАҚ-ның гранттық жобасы қолдауымен Атырау облысы Жоғарғы оқу орындары арасында Жастар ісі жөніндегі комитет басшыларының арасында өткен болатын.
Әділетті жеңісімен құттықтап, республикалық  конкурста сәттілік тілейміз.

Ерлан ерледі

12 Ноя 2019 39

Таяуда Ақтау қаласында  Yessenov University ұйымдастыруымен Жастар жылы аясында Қазақстан мұнайының 120 жылдығына арналған «Университет – ой-пікірлер аймағы» Yessenov Forum өтті.  Аталмыш шараға Х.Досмұхамедов атындағы Атырау мемлекеттік университетінен тарих мамандығының 4-курс студенті Баймағамбетов Ерлан қатысып, осы форум аясында өткен ғылыми-тәжірибелік конференцияда «Рухани жаңғыру бағдарламасы – тапсырмаларды шешуге арналған жаңа бағыт» секциясы бойынша жүлделі І орынды иеленді.

Сүндет Байғожин шеберлігімен бөлісті

12 Ноя 2019 25

9-шы қараша күні Х.Досмұхамедов атындағы Атырау мемлекеттік университетінде  ҚР еңбек сіңірген қайраткері, Құрмет орденінің иегері, Астана Опера тетарының жетекші әншісі Сүндет Байғожин Музыка және өнер кафедрасының студенттері мен вокал оқытушыларына арналған шеберлік сыныбын өткізді.