Ғылым апталығының күнделігі. Төртінші күн - 12 сәуір
Ғылым апталығының төртінші күні белсенді өтті.
Университет оқытушылары мен университет студенттері біздің елімізде ғылыми қызметті ұйымдастыру басында болған Қазақ ССР Ғылым академиясының бірінші президенті Қ.Сәтпаевтың ескерткішіне гүл шоқтарын қойды.
Экономика және құқық факультетінде «Ғаламдану жағдайында ғылым мен білім берудің даму үрдістері мен басымдықтары» атты ғылыми-практикалық конференция басталды. «Экономика» кафедрасының студенттерінің қатысуымен осы кафедраның оқытушысы, магистр А.И. Зинуллина «Виртуалды валюталардың болашағы: ол бар ма?» тақырыбында интерактивті рөлдік ойын өткізді. Ойында Эдвард де Боно әзірлеген алты қалпақшаның әдісі қолданылды. Ол алты түрлі-түсті қалпақшаларды пайдалану арқылы, топтық пікірталас пен жеке ойлау әрекеттерін құрылымдау әдістерін сипаттайды. «Алтын қалпақшаның» негізінде екіжақты ойлау идеясы бар, ол мәселені әр түрлі әдістермен шешуге мүмкіндік береді. Виртуалды валютаның тақырыбы біздің уақыттағы өзекті мәселелердің бірі болып табылады. Осы тақырып бойынша оң және теріс аспектілер, тәуекелдер және күтілетін мүмкіндіктер қарастырылады.
Жаратылыстану және ауылшаруашылық ғылымдар факультетінің студенттері мен оқытушылары «Сарайшық» мемориалдық тарихи кешенін аралады.
Көптілді білім беру факультетінде «Аударма ісі және шетел тілдері» кафедрасы оқытушыларының ұйымдастыруымен «Бәсекеге қабілетті аудармашыларды дайындаудағы көкейкесті мәселелері» атты ғылыми-әдістемелік семинар болып өтті. Семинардың мақсаты бәсекеге қабілетті аудармашылар дайындау процесінде тәжірибе алмасу, озық педагогикалық тәжірибелерді жинақтау және білім беру процесіне енгізу. Семинарға Көптілді білім беру факультетінің профессор – оқытушылары, Каспий өңірінің қазіргі заманғы колледжі, Қ.Дүтбаева атындағы Атырау гуманитарлық колледжі және Атырау аграрлы-техникалық колледжінің профессор-оқытушылары қатысты.
Көптілді білім беру факультетінде «Қазақстанда білім берудегі жастардың рөлі» атты студенттердің ғылыми-практикалық конференциясы болып өтті. Конференция «Білім және жастар», «Көптілді оқыту-бүгінгі жас ұрпақтың өздігінің даму жолы» және «Мәдениетаралық қарым-қатынас мәселелері» атты секциялар бойынша жұмыс жасады. Студенттер Қазақстан және шетел жастары мен түрлі салалар арасындағы көптеген ауқымды мәселелер туралы пікір алысты.
Физика, математика және ақпараттық технологиялар факультетінде «Математикалық модельдеудің өзекті мәселелері» атты ғылыми семинар өтті. Семинар барысында студенттер ғылыми зерттеулердің нәтижелерін көрсетті және экономиканың түрлі салаларында математикалық модельдеуді қолдануды ұсынды.
ПІКІРЛЕР