Көрісу күні құтты болсын!

Көрісу күні құтты болсын!

Көрісу күнінде халық қыстан аман-есен шыққанына қуанып, бір-бірімен қол алысып көріседі.

Таң атысымен, көрісу мерекесін асыға күтіп отырған әрбір отбасы дастарханын жайып бауырсақ пісіріп, тәттілерін қояды. Отбасының кішілері үлкендеріне қос қолын беріп, көрісіп шығады. Бір–біріне «Бір жасыңмен!» дейді. Ол адам «Бір жасқа есеюіңмен! Осы жылға аман-есен жетуіңмен!» дегенді білдіреді. Содан кейін әр отбасы көршілерімен көріседі. Жасы кіші отбасы мүшелері жасы үлкен жанұяларға кіріп, көрісіп шығады. Міндетті түрде әр адам үш үйдің есігін ашу керек, яғни түске дейін үш үйге кіріп, көрісіп үлгеруі керек. Қазақ қашанда дастарханын айрықша қастерлеген. Бұл мерекенің тағы маңызды тұсы бір-біріне ренжіскен адамдар төс қағысып өкпе-ренішті өткен жылға қалдырып ымыраға келген. Бұл жоралғы жыл бойы балаларымыз тоқ жүрсін, дастарханымыз аралас болсын, қарым-қатынасымызға сызат түспесін деген ниеттен туған екен.

Х.Досмұхамедов атындағы Атырау мемлекеттік университеті қызметкерлері де осынау көрісу күнінде бір-бірімен қол алысып, амандық сұрасып, көрісті. Қызметкерлер ұлттық нақышта киініп, ұлттық тағамдардан дәм татты.

 

Арайлым НАРЕШОВА,

Медиа-қызмет маманы

ПІКІРЛЕР

Тізімге қайта оралу

ҚҰТТЫҚТАЙМЫЗ!

22 Сен 2020 42