2017 жылы университетіміздің жеткен жетістіктері
Х.Досмұхамедов атындағы Атырау мемлекеттік университетінің 2017 жылғы жоспарына сай атқарылған ауқымды іс-шаралардың өз нәтижесін бергені анық.
Биылғы жыл университетіміз көптеген жетістіктерге жетті: Білім министрлігінен 520 - білім гранты, 158- облыс әкімі гранты, 82-серпін гранты бөлінді, сегіз түлек «Алтын белгі» иегерлері студент қатарына қабылданды, «Рухани жаңғыру» бағдарламасы аясында университеттің ғылыми орталықтары Атырау облысының әкімшілігіне 17 жоба ұсынылды, оқу орнымыздың ғылыми-зерттеу бағытындағы жұмыстарын дамыту үшін көптеген шетел университеттерімен тығыз байланыс орнады. Мемлекеттік университеттер Ассоциациясы аясында Каспий маңы мемлекеттері - Ресей, Иран, Әзірбайжан, сондай-ақ АҚШ, Ұлыбритания, Түркия елдерімен қарым-қатынас орнатылды. 11-13 қазан аралығына жоспарланған «Ақылдарды тоғыстырып, байланыстарды нығайту» атты Каспий маңы елдерінің мемлекеттік университеттері Ассоциациясының мерейлі ХХ Бас Ассамблеясы және Қазақстан жоғары оқу орындары ректорларының басқосуы өтті. Университет ғалымдары мен кәсіпорындардың бірлесе қызмет етуі аясында тәжірибелік-конструкторлық жұмыстар жүргізіліп: «Тексан Қазақстан» ЖШС және шетелдік ғалымдармен бірлесіп, «жасыл энергетиканың» екі қондырғысын жасады. Бұл-айналып тұратын шатыры мен энергетикалық ағашы бар күрке. Университетімізде орын алған тағы бір жақсы жаңалықтардың бірі «ENGLISH ONLY SPACE» - екі компоненттен тұратын, ағылшын тілін үйренуге арналған инновациялық кешен және «I SPACE» - студент жастарға және қала тұрғындарына кәсіпкерлік мәдениетті және дағдыларды қалыптастыруға, стартаптарды іске қосуға және жаңа компаниялардың дамуының бастапқы кезеңінде өсуіне ықпал етуіне бағытталған, университет қызметінің инновациялық нысаны, коворкинг алаңы сынды орталықтарының ашылуы, бүкіл әлем бойынша сараланатын UI Green Metric Халықаралық рейтингінде 619 жоғары оқу орындары арасынан 378 орын иелендік. Қоғамдық және саяси қайраткерлер, облыстық халықаралық бірлестіктің мамандары мен кәсіп пен ғылым өкілдерінен тұратын сыйлықтың ұйымдастыру комитеті халықаралық «Таным» сыйлығының Диплом және естелік белгісімен университет ректорымыз А.Талтенов марапатталды. 7 желтоқсан күні Алматы қаласында өткен Қазақ Спорт және Туризм Академиясының республикалық «Спорт жұлдыздары» журналы мен Қазақ Спорт Туризм академиясының ұйымдастыруымен тұңғыш рет өткізілген «Жыл үздіктері-2017» салтанатты шарасында спорт кафедрасының оқытушылары мен студенттері «Үздік спорттық кафедра», «Жоғары оқу орнының үздік дене шынықтыру пәні мұғалімі», «Үздік паралимпиада спортшысы» номинацияларымен марапатталды. Үш ғалымымыз - Бірінші проректор - Стратегиялық жоспарлау және халықаралық байланыстар жөніндегі проректор А.С.Шилібекова, т.ғ.д., профессор Ә.Мұқтар, б.ғ.д., С.Сағындыкова, мемлекеттік ғылыми стипендия иегері болды.
Университет ректоры Абзал Талтенов Жаңа жыл қарсаңында ұйымдастырылған мерекелік кеште әрбір маңызды шаралардың басы-қасында жүрген университет проректорлары мен қызметкерлерін және барлық факультет ұжымына зор ықылас білдіріп, шығармашылық табыс тіледі.
Жаңа жылдық кеште университетіміздің жыл үздіктері анықталып, ақшалай сертификаттар мен алғыс хаттар табысталды.
«2017 жылғы АМУ үздік ғалымы» номинациясы
Насыров Рахметулла
«2017 жылғы АМУ project-manager» номинациясы
Султанова Зумрат Габитовна
«2017 жылғы АМУ үздік куратор» номинациясы
Ералиева Айымгул Алдабергеновна
«2017 жылғы АМУ үздік факультет» номинациясы
Физика, математика және ақпараттық технологиялар факультеті
«2017 жылғы АМУ үздік кафедра» номинациясы
Дене тәрбиесі және алғашқы әскери дайындық кафедрасы
Мухамбеталиев Амантай Камиевич
«2017 жылғы АМУ үздік спорт ойыншысы (әйелдер)» номинациясы
Мурзагалиева Софья Абляевна
«2017 жылғы АМУ үздік құрылымдық бөлімше» номинациясы
Академиялық мәселелер жөніндегі департамент
Арайлым НАРЕШОВА
Медиа-қызмет орталығының маманы
ПІКІРЛЕР