Британ кеңесінің эксперті Алан Маккензи Атырау мемлекеттік университетінде
2017 жылдың 27-29 қараша аралығында Британ кеңесінің эксперті Алан Маккензи Атырау мемлекеттік университетіне іс-сапармен келді. Іс-сапар мақсаты Британ кеңесінің Атырау мемлекеттік университетімен бірлескен жобасын мониторинг жасау және бағалау.
27 қарашада Алан Маккензи университет бірінші проректоры – стратегиялық жоспарлау және халықаралық байланыстар жөніндегі бірінші проректор Шилібекова Айгерім Сенбекқызымен және көптілді білім беру факультетінің 8 ағылшын тілі оқытушыларымен кездесу өткізді. Бұл оқытушылар Британ кеңесінің қаржыландыруымен 2017 жылдың 26 маусым – 7 шілде аралығында Ұлыбритания, Норидж қаласындағы NILE (Норидж тілдік білім беру институты) “Materials design” атты екі апталық курсынан өтіп келген. Бұл кездесуде «English Only Space» жобасы үшін жасақталып жатырған көмекші құралдармен танысу мақсатында және алдағы жоспарлар талқыланды. Ал 29 қараша күні Британ кеңесінің тағы бір жобасы арқылы (Teacher Knowledge Testing) студенттерге білім беріп жүрген «Шетел тілін оқыту әдістемесі» кафедрасының аға оқытушысы Н.Б.Абдрахманованың 5В011900-Шетел тілі: екі шетел тілі мамандығының 3 және 4 курс студенттерімен өткізген тестілеу сабағына қатысты.
Британ кеңесінің эксперті Алан Маккензи университет оқытушылары туралы жақсы лебіздерін білдіріп, студенттердің болашақта жақсы маман иесі болатынына сенімін білдіріп, жоғары сын-пікір қалдырды.
ПІКІРЛЕР