Ибн-Баттута саяхаты жаңғырған күн
Х.Досмұхамедов атындағы Атырау мемлекеттік университетінде Елбасы Н.Ә.Назарбаевтың «Рухани жаңғыру: болашаққа бағдар» мақаласына орай «Ибн Баттутаның Ұлы Жібек жолымен саяхаты: мәдениеттер арасындағы диалогты алға бастыру» деген тақырыпта халықаралық ғылыми-практикалық конференция болып өтті.
Конференция алғы сөзін Атырау облысы әкімінің орынбасары Әлібек Нәутиев ашты.
- Батыс өңіріндегі Сарайшық қазба жұмыстары ежелгі тарихымызды кеңінен зерттеп, кейінгі ұрпаққа бағыт-бағдар беріп, тереңірек тануға үлкен мүмкіндік бермек. Осы мақсатта бүгінгі өтіп жатырған конференцияның маңызы өте зор екенін айтқан болатын.
Конференцияның пленарлық мәжілісін т.ғ.д., профессор Зейнолла Самашев жүргізіп отырды. Саясаттанушы, тарихшы, ғалым, «Қасиетті Қазақстан» экспедициясының жетекшісі Берік Әбдіғалиев, Х.Досмұхамедов атындағы Атырау мемлекеттік университетінің профессоры Әбілсейіт Мұқтар «Ибн Баттута: әлемдік саяхат және Дешті Қыпшақ даласы», т.ғ.д., профессор Бейімбет Ирмуханов «Ибн Баттута еңбектері ортағасырлық Қазақстан тарихындағы құнды жәдігер», Анкара университетінің профессоры,т.ғ.д. Абдуллаһ Гундогдай, Әзірбайжан Ұлттық академиясының Археология және этнография институтының аға ғылыми қызметкері, т.ғ.к. Исмайлзаде Пирага Эйюб Оглы, - сынды майталман тарихшылардың баяндамаларын тыңдай отырып рухани жаңғыру аясында Ибн Баттутаның Жібек жолымен саяхаты туралы бұл конференцияның өскелең ұрпаққа берер тағылымы мол екенін аңғардық.
«Сарайшық қаласының зерттелуі, сақтау және дамытудың өзекті мәселелері», «Каспий өңіріндегі көшпенділердің және қала мәдениетінің дамуы», «Тарихи орындарды насихаттаудағы музейлердің ролі» атты тақырыптарда секциялар құрылып, баяндамалар оқылған болатын.
Арайлым ЖАҢБЫРБАЙҚЫЗЫ
Медиа-қызмет маманы
ПІКІРЛЕР