«Латын қарпіне көшу – заман талабы»

Х.Досмұхамедов атындағы Атырау мемлекеттік университетінің «Журналистика» мамандығы студенттерінің арасында «Латын қарпіне көшу – заман талабы» атты дөңгелек үстел өтті.

«Журналистика» кафедрасының меңгерушісі Мәншүк Тынышқалиқызының ұйымдастыруымен өткен бұл шараға студенттер белсене қатысып, өз ойларын ашық білдірді.

Елбасының «Болашаққа бағдар: Рухани жаңғыру» атты мақаласын талдай отырып, журналистика мамандығының 2 курс студенті Жарқынай Қанатова қоғамда өзекті мәселеге айналған латын қарпімен тарихымыздың байланысының тереңде жатқанын тілге тиек етті. Ал, студент Назым Жолдасова жаңа әліпбиге көшу – мемлекеттің рухани мәдени жаңғыруындағы аса маңызды кезеңі болып табылатынын ерекше атап өтті.

Журналистика мамандығының 3 курс студенті Әнел Маратова латын қарпінің шығу тарихымен жан-жақты таныстырып, оны қолданудың үш түрлі себебін келтірді. Сол секілді Мерей Кенжеғали, Ақниет Сарбаспай, Әсем Жолдыбаева латын қарпіне көшу жобасына бей – жай қарамайтындықтарын, болашақ жас журналистер екендіктерін танытып қолдау білдірді.



 

Назым ЖОЛДАСОВА

Журналистика мамандығының 2 курс студенті


ПІКІРЛЕР

Тізімге қайта оралу