Кадрлар мәселесі шешімін таппақ

Кадрлар мәселесі шешімін таппақ

    Халел Досмұхамедов атындағы Атырау мемлекеттік университетінде Қазақстан Республикасы жоғары оқу орындарының ректорлар Кеңесінің отырысы өтті.

Мәжіліске ҚР БҒМ жоғары және жоғары оқу орнынан кейінгі департаменті директорының орынбасары Ғалымбек Сералин, Атырау облысының әкімі Нұрлан Ноғаев және еліміздегі жоғары оқу орындарының 20-дан астам ректорлары мен проректорлары қатысты.

Кеңес жұмысын ҚР жоғары оқу орындарының ректорлары Кеңесінің төрағасы Ерлан Сыдықов жүргізіп отырды.

- «Елбасымыз қоғамның ең белсенді бөлігі - жастарға білім беру жүйесіне ерекше көңіл бөледі. Мемлекеттің қалыпты дамуы үшін жастардың тек білімі ғана емес, дүниетанымы да бай болуы өте маңызды. Бұл кезектегі стратегиялық мемлекеттік бағдарламаларды жүзеге асыруда жоғары оқу орындарының жұмысы маңызды рөл атқарады. Биылғы жылы облыстық бюджеттен 222 студентке білім беру гранты бөлінді. Олардың 178-і педагогикалық мамандықтарды, 35-і медицина саласына және 9-ы ветеринарларды дайындауда. Сондай-ақ, жас мамандарды тұрғын үймен қамтамасыз етуді жергілікті билік жауапкершілігіне алып, осындай әдістермен, 5 жылда облысымыздағы кадрлар жетіспеушілігі мәселесін шешуді жоспарлаудамыз» - деді Н.Ноғаев.

Атырау мемлекеттік университетінің ректоры Абзал Талтенов университеттегі жүзеге асып жатырған, студенттерге кәсіпкерлік мәдениетті қалыптастыру үшін «ISPACE» коворкинг орталығы, екі компоненттен тұратын, ағылшын тілін үйренуге арналған «English Only Space», күн сәулесінен қуат алатын күрке (беседка) жүйесі және балаларға арналған «Kids University» тәрізді жаңа жобаларымен таныстырды.

Г.Сералин өз баяндамасында «Экономиканың жаңа үлгісі аясында білікті кадрларды дайындау», «Орталық Азияда білім беру хабын дамыту мен ғылымды жаңғырту» жобаларын іске асыру туралы атап өтті. Білім саласы бойынша жаңа буынның жобаларын жүзеге асыру сынды өзекті мәселелер талқыланды.

Жиын соңында Қазақстан Республикасы Жоғары оқу орындары ректорлары кеңесінің 2018 жылға арналған жұмыс жоспары бектілді.

Айта кетейік, ректорлар Кеңесі жоғары және жоғары оқу орнынан кейінгі білімді дамыту мәселелері бойынша ЖОО-ның қызметін үйлестіру, оқу процесін, ғылыми жұмысты жетілдіру, елімізді білікті мамандармен қамтамасыз ету мақсатында 2015 жылы Қазақстан Республикасының Білім және ғылым министрлігінің Бұйрығымен отандық ғылымды дамыту бойынша ЖОО арасында қарым-қатынастың нығаюы үшін құрылды.


 

Алтынай Сәлімгерейқызы,

медиа қызмет орталығының тілшісі

фотограф Құдияр Данияров


ПІКІРЛЕР

Тізімге қайта оралу

«Болашағым өз қолымда!»

6 Дек 2019 11

Университетімізде «Болашағым өз қолымда!» тақырыбында жетім балалардың болашақта армандайтын мамандықтары бойынша бір күндік экскурсия өтті.

Спартакиада жеңімпаздары анықталды

5 Дек 2019 31

Х.Досмұхамедов атындағы Атырау мемлекеттік университетінің құрылғанына 70 жыл толуына орай студенттер арасында ұйымдастырылыған факультетаралық спартакиада өз мәресіне жетті.

Мен көшбасшымын!

4 Дек 2019 18

Осындай тақырыппен Нұр-Сұлтан қаласында интеллектуалды ойындар өтті.
Аталмыш сайыста университетіміздің қаржы және есеп кафедрасы студенттерінен құралған команда жүлделі II орынға ие болды.

Бас жүлде - Жәнияда!

3 Дек 2019 18

Қазақстан Республикасының Сыбайлас жемқорлыққа қарсы іс-қимыл агенттігінің Атырау облысы бойынша департаментімен ұйымдастырылған "Ақынның қаламы-адалдық алаңы" атты жас ақындар мүшәйрасында қазақ тілі және әдебиеті мамандығының 2 курс (3жылдық) студенті Хайролла Жәния бас жүлдені жеңіп алды.

Әбілмансұр "Үздік жас спортшы" атанды

3 Дек 2019 23

Дене шынықтыру және спорт мамандығының ІІ курс студенті, каратэ-додан әлем чемпионы, университетіміздің мақтанышы Батырғали Әбілмансұр "Үздік жас спортшы" атанды.