Каспий Порталы жобасы
Ассоциацияға мүше университеттердің халықаралық және ғылыми ынтымақтастық менеджерлері үшін арнайы воркшоп ұйымдастырылды.
Бұл жиынға Айгерім Шилібекова, Х.Досмұхамедов атындағы Атырау мемлекеттік университетінің бірінші проректор - Стратегиялық жоспарлау және халықаралық қатынастар жөніндегі проректоры, Али Бани - Гилан университетінің халықаралық ынтымақтастық департаментінің директоры, Али Хешматпур - Гондбад университетінің проректоры, Мухаммад Хусейн Фатими - Мазандаран университетінің проректоры, Е.А.Юкина - Астрахань мемлекеттік техникалық университетінің халықаралық бөлімінің бастығы, Т.Почивалова - Астрахань мемлекеттік сәулет және құрылыс университетінің халықаралық қатынастар басқармасының бастығы, Д.Мулеев - Теңіз және өзен көлігі Каспий институтының халықаралық бөлімінің басшысы, М.Рабданов - Дағыстан мемлекеттік университеті ректорының кеңесшісі, Е.Гаджиев - Дағыстан мемлекеттік педагогикалық университетінің халықаралық қатынастар бөлімінің бастығы, Диярова - Атырау мұнай және газ университетінің тәрбие жұмысы жөніндегі проректоры, А.Мұсаева - Х.Досмұхамедов атындағы Атырау мемлекеттік университетінің ғылым департаментінің директоры , Г.Шамбилова - Х.Досмұхамедов атындағы Атырау мемлекеттік университетінің профессоры, Г.Шугаева - Х.Досмұхамедов атындағы Атырау мемлекеттік университетінің профессорлары қатысып, Халықаралық байланыстарды орнату мен нығайту, ЖОО бәсекеге қабілеттілігін арттыру үшін жаңа мүмкіндіктерді екі модульге бөлініп қарастырды.
Бірінші модулінде университеттердегі халықаралық ынтымақтастықты іске асыру барысындағы кездесетін бірқатар қиыншылықтарды, тілдік кедергілер, мәдениетаралық немесе діндік, елдік ерекшеліктер, құндылықтар мен мінез-құлық нормалары арасындағы айырмашылықтарды атап айтып, соған байланысты, мәселелерді талқылап, шешімін іздестіру мақсатында университет өкілдері презентация арқылы өз ұсыныстарынбілдірді.
Осы модулдің нәтижесі бойынша Ассоциация шеңберінде өзара іс-әрекет етуге жалпы ережелер дайындалып, академиялық алмасулардағы іске асыру, виза алу рәсімдері және басқа да ұйымдастыру мәселелері көрсетілді.
Екінші модулде CAPSCORE (Caspian Portal of Scientific Collaboration and Research) – Ғылыми ынтымақтастық пен зерттеулердің Каспий Порталы ғылыми порталының жобасы (демонұсқасы) таныстылды. Қатысушылары талқылап, оны дамыту бойынша ұсыныстарын білдірді. Бұл модуль нәтижесінде CAPSCORE ғылыми порталының бірлескен жобасын жетілдіріп, жобаны іске қосу үшін соңғы нұсқасын бекітті.
Алтынай Сәлімгерейқызы,
медиа-қызмет орталығының тілшісі
ПІКІРЛЕР