30.10.2017 1849

Х.Досмұхамедов атындағы Атырау мемлекеттік университетінің ұйымдастырумен 11-13 қазан аралығына жоспарланған «Ақылдарды тоғыстырып, байланыстарды нығайту» атты Каспий маңы елдерінің мемлекеттік университеттері Ассоциациясының мерейлі ХХ Бас Асамблеясы өтті.

Осы 20 жыл бойына Каспий маңы елдерінің жоғары оқу орындарының Ассоциациясы ежелгі құндылықтардың өмірдің ажыратып алғысыз бөлігі ретінде ақыл-ойды тоғыстырып, байланыстарды нығайтады. Каспий теңізі мен Каспий маңы аймағындағы білім беру деңгейін күшейту мәселелерін шешу мақсатында 1996 жылы құрылған Ассоциация бүгінде өз миссиясын сәтті іске асыруда.

Шетелден келген қонақтар алғашқы келген күннен «Сарайшық» мұражайлық-мемориалдық кешеніне саяхат жасап, мұнайлы астанамыз Атыраудың тарихымен танысып қайтқан болатын. Ал ертеңіне Каспий маңы елдерінің 50-ден аса жоғары оқу орындарынан бір мақсатты көздеп келген өкілдері Салтанат сарайындағы пленарлық мәжілісте жүздесті. Ассоциация қызметінің нәтижелерін талқылау және ынтымақтастықтың белгілі бір бағытарын анықтау мақсатында өткізілген жиынды Х.Досмұхамедов атындағы Атырау мемлекеттік университетінің ректоры х.ғ.д., профессор Абзал Талтенов шетелдік қонақтарға қош келдіңіз айтып, алғы сөз сөйлеп, жүргізіп отырды. Ал Атырау облысы әкімі Нұрлан Ноғаев өз сөзінде құттықтау лебізін былай жеткізді:

- Бұл бас қосу өңіріміз үшін айтулы оқиға деп білемін. Себебі көршілес елдер үшін достық қарым-қатынасымызға тың серпін берері сөзсіз. Мұндай кездесуде әр түрлі саладағы кемелді мәселелер қозғалып, ортақ нәтижесін шығарады. Сондай-ақ осындай үлкен іс-шараның өтуімен құттықтаймын,-деді. Мәжілісте Қазақстан Республикасының Білім және ғылым министрі Е.Сағадиевтің сөзін заң қызметі және халықаралық ынтымақтастық департаменті директорының орынбасары Ақерке Абылайхан оқып берді. Ректор Абзал Талтеновтың жүргізуімен әрі қарай Иран Ислам Республикасының ғылыми зерттеу және технология министрлігінің өкілі Фараджуллах Талеби, Астрахан мемлекеттік техникалық университетінің халықаралық ынтымақтастық жөніндегі проректор Сергей Виноградов, Дағыстан мемлекеттік университетінің ректоры Муртазали Рабаданов, Гилян университетінің ректоры Ахмад Рази және Баку мемлекеттік университетінің гуманитарлық бөлім бойынша проректор Сани Гаджиевтың баяндамалары оқылды. Бас қосудың соңында ректорларға сертификаттар мен төсбелгілер табысталды.

Жоспар бойынша Атырау мемлекеттік университетінде Иран мәдениеті мен тілі орталығының ашылу салтанатының рәсімі өткізілді. Орталықтың тұсауын кескен университетіміздің ректоры Абзал Талтенов пен Мазандаран университетінің ректоры Сеид Халлах Мирниа.

Содан соң,  Х.Досмұхамедов атындағы Атырау мемлекеттік университетінде «Жоғары білім беру саласындағы жобалық менеджмент» атты Каспий маңы елдері мемлекеттік университеттерінің ректорларының саммиті өтті.  Саммитте университеттердің басшылары презентациялар арқылы бір жобаны көрнекілеп таныстырып, ұйымдарда жобалық менеджментті қолдану туралы өз тәжірибесімен бөлісіп, баяндамаларын жасады.

Баяндамалардың мақсаты университеттің стратегиялық дамуындағы жобалық менеджменттің рөлі мен орнын көрсету және нақты жоба мысалында ЖОО басқару үдерісінде қағидаларды қолданудың жеке тәжірибесімен бөлісіп, Ассоциация шеңберінде одан әрі іске асыру үшін жалпы мүдделер және әлеуетті бірлескен жобаларды анықтады.

Одан кейін, Ассоциацияға мүше университеттердің халықаралық және ғылыми ынтымақтастық менеджерлері үшін  арнайы воркшоп ұйымдастырылды.

Бұл жиында Халықаралық байланыстарды орнату мен нығайту, ЖОО бәсекеге қабілеттілігін арттыру үшін жаңа мүмкіндіктерді екі модульге бөлініп қарастырды.

Бірінші модулінде университеттердегі халықаралық ынтымақтастықты іске асыру барысындағы кездесетін бірқатар қиыншылықтарды, тілдік кедергілер, мәдениетаралық немесе діндік, елдік ерекшеліктер, құндылықтар мен мінез-құлық нормалары арасындағы айырмашылықтарды атап айтып, соған байланысты, мәселелерді талқылап, шешімін іздестіру мақсатында университет өкілдері презентация арқылы өз ұсыныстарынбілдірді.

Осы модулдің нәтижесі бойынша Ассоциация шеңберінде өзара іс-әрекет етуге жалпы ережелер дайындалып, академиялық алмасулардағы іске асыру, виза алу рәсімдері және басқа да ұйымдастыру мәселелері көрсетілді.

Екінші модулде CAPSCORE (Caspian Portal of Scientific Collaboration and Research) – Ғылыми ынтымақтастық пен зерттеулердің Каспий Порталы ғылыми порталының жобасы (демонұсқасы) таныстылды. Қатысушылары талқылап, оны дамыту бойынша  ұсыныстарын білдірді. Бұл модуль нәтижелері CAPSCORE ғылыми порталының бірлескен жобасын жетілдіріп, жобаны іске қосу соңғы нұсқасын бекітті.

Каспий маңы елдерінің мемлекеттік университеттері Ассоциациясының мерейлі ХХ Бас Асамблеясың соңы екі жақты келісімге қол қоюмен аяқталды.

Тізімге қайта оралу