Шахматтан балалар арасындағы Қазақстан кубогы: Атырау университетінде 4 кезең басталды
Биыл ересектер арасындағы көп сатылы Қазақстан кубогымен қатар KazChess/Қазақстан шахмат федерациясы Балалар арасындағы Қазақстан кубогы өтуде. Аталған турнир халықаралық жарыс мәртебесіне ие. Онда өңіріміздегі облыстардан бөлек, көрші елдерен де ойыншылар тіркеліп, қатысуда. 6 тартысты кезең мен финалдан тұратын турнирдың әр кезеңнің жүлде қоры 3 млн теңгені құрайды. Аталған жарыстың алғашқы кезеңдері Тараз, Қызылорда, Қостанай қалаларында өткен.
Бүгін Х.Досмұхамедов атындағы Атырау университетінің қолдауымен, «Жайық» спорт кешенінде шахматтан халықаралық турнирдің 4 кезеңі бастау алды. "90+30" классикалық уақыт бақылауымен 9 раундтан тұратын швейцариялық жүйе бойынша екі жеке турнир өтеді. А турнирінде 14 жасқа дейінгі (2010 жылы туған және одан кіші) 82 қатысушы, ал В турнирінде 10 жасқа дейінгі (2014 жылы туған және одан кіші) 118 ұл мен қыз бақ сынайды. Қатысушылар арасында Қырғызстан мен ФИДЕ (Ресей) мемлекетінен келген жас шахматшылар бар
Салтанатты жиынның ашылуында Басқарма төрағасы-ректор Саламат Нұрмұханұлы сөз алып, жас шахматшыларға сәттілік тіледі.
«Бүгінгі күннің жастар үшін маңыздылығы жоғары. Өйткені шахмат бұл- ерте заманнан келе жатқан көп ғасырлық тарихы бар интеллектуалдық ойын. Өз кезеңінде университетімізде шахмат спортының дамуына үлес қосқан ардагер ұстаз Ғабдрахман Айдаралиев атындағы шахматтан клуб болды. Сол кезден күні бүгінге дейін бұл үрдісті жоғалтпай облыстық, қалалық көлемде студенттерімізге шахматтан турнир ұйымдастырылады. Сондықтан да біз бұл ойын түрінің әрі қарай дамуына әрқашан қолдау көрсетеміз. Ақыл-ойдың жарысы саналатын шахмат жас ұрпақты зияткерлік пен өй-өрісінің жетілуінде ерекше маңызға ие. Бүгінгі турнирге қатысушы жас шахматшыларға сәттілік тілеп, жүлделі орындарға ие болуларына тілектестік білдіремін.
Турнирдің екінші кезеңі 25 шілдеде университет базасында жалғасады. Финалдың жеңімпаздары жеңімпаздары KazChess/ҚШФ 2025 жылы өтетін жастар арасындағы әлем чемпионатына қатысу құқығын алады: World Cadets Chess Championship – U08, U10 и U12, World Youth Chess Championship – U14, U16 и U18. Сондай-ақ қатысушылардың жинаған ұпайларв Қазақстан Республикасының 9 бен 16 жас аралығындағы үздік шахматшыларына арналған «Жас таланттарды қолдау» бағдарламасына түседі. Балалар арасындағы кубогы кезеңінен бөлек, Атырауда Қазақстан шахмат федерациясының ұйымдастыруымен жаттықтырушыларға арналған семинарлар мен ұлттық төреші болу үшін тренингтер өтеді
ПІКІРЛЕР