АТЫРАУ ТАРИХЫН ЗЕРТТЕУДЕГІ АЛҒАШҚЫ КІТАП ЖАРЫҚ КӨРДІ
Х.Досмұхамедов атындағы Атырау университетінде «Атырау облысының тарихы көне заманнан күні бүгінге дейін» кітабының тұсаукесеріне арналған ғылыми семинары өтті. Оқу орның басқарма төрағасы-ректор С.Идрисов пен Атырау қаласы әкімінің орынбасары Н.Ермұханов құттықтау сөз сөйлеп, тарихи еңбектің маңыздылығын атап өтті.
Еңбектің жарық көруіне Атырау облысы әкімдігі қолдау көрсетіп, Ш.Уәлиханов атындағы тарих және этнология институты мен Х.Досмұхамедов атындағы Атырау университетінің ғалымдары бірлесе жазған.
«Бұл туынды бір томнан бастап жеті томға дейін жетеді. Үш жылда үш тілді туындыны жарыққа шығару үлкен еңбекті талап ететіні анық. Осы туынды басқа да облыстардың тарихтарын тізбектеп, жинаққа жинауы үшін себепкер болады деп сенеміз, - деді Ш.Уәлиханов атындағы тарих және этнология институтының директоры З.Қабылдинов.
Семинар барысында спикерлер Атырау облысының тарихы туралы жазылған туындының мазмұны мен маңыздылығын талдап, өз ұсыныстарын білдірді. Өлкетанушы ғалым Шахман Нағымұлы кітаптың сапалы жазылғаны туралы атап өтіп, студенттер мен магистранттардың ғылыми зерттеу жасауына қажетті еңбек екенін атап айтты. Үш тілде жазылған еңбек облыс тарихы туралы жарық көрген алғашқы кітап.
ПІКІРЛЕР