- Басты бет
- МЕДИА-РЕСУРСТАР
- Жаңалықтар
- Ғалым, ұстаз, Лесқали Базарғалиұлы мерейлі 60 жаста
Ғалым, ұстаз, Лесқали Базарғалиұлы мерейлі 60 жаста

Х.Досмұхамедов атындағы Атырау университетінде тарих ғылымдарының докторы, «Ерен еңбегі үшін» медалінің иегері, Қазақстан және дүниежүзі тарихы кафедрасының профессоры, Лесқали Базарғалиұлы Бердіғожиннің мерейлі 60 жасына арналған, «ХІХ-ХХ ғ.ғ Қазақстанның батыс өңіріндегі азаттық қозғалыстары (тарих және тарихнама мәселелері)» атты Халықаралық ғылыми семинар өтті.
Ұлағатты ұстаздың мерейлі жасына арналған семинардың алғы құттықтау сөзін Х.Досмұхамедов атындағы Атырау университетінің Басқарма төрағасы – ректор Саламат Нұрмұханұлы ашып, Лесқали Базарғалиұлын, ҚР ғылым және жоғары білім министрі С.Нұрбектің атынан, «Ғылымды дамытуға қосқан үлесі үшін» төсбелгісімен марапаттады.
«Лесқали Базарғалиұлы университеттің дамуына, әкімшілік-басқару жұмыстарымен қатар, ғылымдада үлкен жетістікке жеткен азамат. Қазақстан тарихы жалпы, Батыс өңірінің тарихын зерттеп, зерделеуде бұл кісінің еңбегі зор. Алдағы жаңа зерттеулеріне де шығармашылық табыстар тілеймін»,– деді Саламат Нұрмұханұлы.
Ғылыми семинарда, мерейтой иесіне алдымен, «Ш.Есенов атындағы Каспий технологиялар және инженеринг» университеті, Тарих кафедрасының меңгерушісі, саяси ғылымдар докторы, профессор, ҚР білім беру ісінің құрметті қызметкері, Маңғыстау облысы әкімі жанындағы қоғамдық кеңестің мүшесі, Жаулин К.М, «Абай атындағы ҚазҰПУ» тарих және құқық институты, қауымдастырылған профессоры, т.ғ.к, Жұмағұлов Б.С, Атырау облысы Ішкі саясат басқармасы «Қоғамдық келісім» мемлекеттік мекемесінің басшысы, Жылкышиева Л.Қ, Облыстық білім басқармасы басшысының орынбасары Биманова О.М, және қоғам қайраткері, Ожаев Н.Ж, құттықтау тілектерін жолдаса, университеттің оқытушы-профессорлары мен алыс-жақын аймақтан келген құрметті қонақтар, ғылыми семинарда өз баяндамаларын жасап, тұжырымды ой-пікірлерімен бөлісті.
Сонымен қатар, ғылыми семинарда университеттің Басқарма төрағасы-ректор Саламат Идрисов, «Гуманитарлық ғылымдар және өнер» факультетінің 50 оқытушы-профессорлық құрамын ҚР Ғылым және жоғары білім министрі Саясат Нұрбектің елімізде болып жатқан табиғи апатқа байланысты жарияланған төтенше жағдай кезінде су тасқынын алдын алу және оның зардаптарымен күресу жолында атқарған адал қызметтері үшін «Алғыс хатпен» марапаттап, оқытушы мен профессорларға алдағы жұмыстарына сәттілік тіледі.
Ал салтанатты жиынның соңында мерейлі жасқа шыққан Лесқали Базарғалиұлы, құрметті қонақтар мен университет ұжымына алтын уақыттарын бөліп келгені үшін ризашылығын білдіріп, алғысын айтты.
ПІКІРЛЕР