Театр - тәрбие бесігі
Елбасының «Болашаққа бағдар: рухани жаңғыру» бағдарламасы аясында Қазақстаның Еңбек сіңірген қайраткері, «Дарын» мемлекеттік сыйлығының лауреаты, әнші-актер Бекжан Тұрыс пен театрдың әдебиет және баспасөз қызмет жетекшісі, халықаралық «Алаш» сыйлығының иегері, ақын-драматург Бақыт Беделханұлы университетімізге арнайы келіп студенттермен кездесу өткізді.
Кездесу барысында қонақтарымыз М.Әуезов атындағы қазақ мемлекеттік академиялық драма театры, Қазақстанның Еңбек ері, КСРО халық әртісі Асанәлі Әшімовтың 80 жылдық мерейтойына байланысты гастролдік сапармен қаламызға өздерінің керемет қойылымдарымен келгенін айта келіп, жастарға өмірден алған тәжірбиелерімен, тәлім тәрбиесі мол әңгімелерімен бөлісіп, студенттер тарапынан қойылған сауалдарға тұшымды жауап қайтарып отырды. Қонақ кәде ретінде өздерінің өлеңдері мен әндерін шырқап көрерменді бір серпілтті.
Шара соңында университетіміздің ғылыми істер жөніндегі проректоры Саламат Нұрмұханұлы қонақтарымызға ризашылығын білдіріп, университет атынан сыйлықтар табыстады.
Алтынай СӘЛІМГЕРЕЙҚЫЗЫ,
медиа-қызмет орталығының тілшісі
ПІКІРЛЕР