«Алаш жолымен» ғылыми экспедициясы
31 шілде-4 тамыз аралығында тарих ғылымдарының докторы, профессор Аққали Ахмет және тарих ғылымдарының кандидаты Қылышбай Сүндетұлы «Ақжол» демократиялық партиясы Атырау филиалының ұйымдастыруымен өткізіліп, Елбасының стратегиялық мақаласында көтерілген рухани жаңғыру бағытын басшылыққа ала отырып «Алаш жолымен» атты ғылыми экcпедиция жұмысына қатысты.
Ғылыми экспедиция құрамында «Ақжол» партиясының саяси кеңесшісі, саясаттанушы Әбілхан Төлеуішов, «Қызылқоға» аудандық газетінің бас редакторы Бауыржан Сисенов болды. Экспедиция Қызылқоға ауданындағы Халел ставкасында, аудандық тарихи-өлкетану музейінде болды. Ақтөбе облысының Ойыл ауданында, Батыс Қазақстан облысының Қаратөбе, Сырым аудандарында және Орал қаласында жұртшылықпен кездесіп, дөңгелек үстелдерге қатынасты. Батыс Алашорда тарихына қатысты тарихи орындар мен ғимараттарда болды. Ойыл ауданында Алаш юнкерлер мектебі, байланыс бөлімшесі, мешіт, атақты Көкжар базары ғимраттарының тарихымен тереңірек танысты. Қаратөбедегі Батыс Алашорда съезі өткен ғимаратқа арнап қойылған белгі басында болып, аудандық-өлке тарихы музей ұжымымен кездесу өткізді. Жымпиты ауылында Алаш қайраткерлеріне арналған ескерткішке гүл шоқтарын қойып, тағзым етті.
Орал қаласында Алаш қайраткерлері оқыған реальдық әскери училищеде болып (қазіргі Ж. Досмұхамедов атындағы педагогикалық колледж), ұжыммен кездесті.
ПІКІРЛЕР