24.02.2023 325

Кадрларды қайта даярлау және біліктілікті арттыру кеңсесінің ұйымдастыруымен «Білім сапасының негізі – заманауи тәсілдерде» деп аталатын әдістемелік семинар – жаратылыстану және ауылшаруашылық ғылымдары факультеті, физика, математика және ақпараттық технологиялар факультеті және гуманитарлық ғылымдар және өнер факультеті үшін 22 ақпанда, көптілді білім беру факультеті үшін  23 ақпанда, ал инновациялық білім беру факультеті студенттері үшін 24 ақпанда  сабақты  зерттеу мен зерделеу  жолдарын, дағдыларын  дамытуды өз тәжірибесіне енгізуді үйрету, білімдерін жетілдіру және кәсіби шеберлігінің өсу бастамаларына қолдау көрсету мақсатында Атырау университетінде  «Білім сапасының негізі – заманауи тәсілдерде»  тақырыбындағы әдістемелік семинар болып өтті. Бұл шара  педагогикалық мамандықтардың бітіруші түлектеріне арналды. «Төңкерілген  сабақты» ұйымдастыру және  өткізу технологиясы», «Lesson study» - сабақты зерттеудің тиімді әдісі»,  «Оқудағы іс-әрекетті зерттеу жолдары», «Педагогтің  психологиялық – педагогикалық  құзыреттілігі арқылы оқушының тұлғалық қалыптасуының мүмкіндіктері» тақырыптарында студенттеріміз теориялық білімдерін педагогикалық шеберлік деңгейінде толықтай түсті. Әр болашақ маман үшін таптырмас құнды дүние болып табылды деп ойлаймын. Семинар барысында жалпы осы оқу мен оқытуда зерттеу керек пе әлде керек емес пе деген батл ұйымдастырылды. 24 – ақпан күні «Инновациялық білім беру» факультеті студенттеріне семинар «Карусель» әдісімен 5 аудиторияда өткізілді. Карусель әдісінің тиімділігі - студенттер үшін қолайлы, өздерін еркін түрде сұрақтарын қоя алды және студенттер аудитория ауыстыру арқылы зерікпеді де. 
     Тәжірибеде жүрген студенттер үшін бұл семинардың құндылығы сонда – олар мектептеріндегі зерттеулерді байқайтын боламыз деді. Өз ойларын еркін айтып, тіпті семинардағы тақырыптар аясында сұрақтарына жауаптар да ала алды.  
      Кеңсенің жұмыс жоспарына қолдау көрсетіп, семинарда өз білімдерімен бөліскен әріптестерім университеттің аға оқытушылары, магистрлер Г.Ғ.Жұбанғалиева, Г.Р.Омарова, А.Е.Сұлтанғалиеваларға ризашылығым шексіз. Әр факультет декандары мен кафедра меңгерушілері мен оқытушылар  семинар жұмысына қызығушылықтарын  танытып, студенттердің толықтай қатысуына мүмкіндік жасағаны қуантады.

Тізімге қайта оралу