12.01.2023 181

"Мамандығым - болашағым" жобасын іске асыру шеңберінде университет оқытушылары С.Өтебаев атындағы Атырау мұнай және газ университеті базасындағы форсайт мектебінде оқыған болатын. Х.Досмұхамедов атындағы Атырау университетінің әдістемелік декадасы бағдарламасы бойынша 2023 жылдың 12 қаңтарында "Ішкі көзқарас: болашақ мұғалімнің құзыреттіліктері" тақырыбында форсайт сессия өтті. Қатысушылар форсайт сессия әдістемесімен танысты. Бұл технологияны тереңдеп түсінуге қол жеткізу Ж.У.Сулейменованың, Ш.С.Бисалиеваның, М.С.Дарискалиеваның жетекшілігімен жүзеге асты. Сессия қатысушылары қазіргі замандағы педагогикалық білім беру жүйесінің трендтерін (үрдістерін) анықтауға жұмыстанды. Форсайт-сессия қатысушылары үшін негізгі құрал және  қызмет аясы ретінде болашақтың картасы жүрді.  Сессия барысында жұмыс жасалған трендтер: ашық  онлайн ресурстарды пайдаланудың өсуі, қосымша кәсіптік оқытуға сұраныстың артуы, цифрландыру, билингвалды оқыту, білім беру үдерісіндегі педагог мәртебесінің көтерілуі және т.с.с. Қатысушылар трендтер, мүмкіндіктер мен қатерлер, технология, формат, нормативтік құжат шағын карталарын пайдалана отырып, оларды толтырып, картаға орналастырды. Жұмыстың аяқтаушы кезеңінде талқылау, модераторлардың қатысушылар сұрақтарына жауап берілді.

Тізімге қайта оралу