«ІSKER GROUP” компаниясындағы кездесу

2017 жылдың 12 сәуір күні Қазақстан Республикасы Президенті Н.Назарбаевтың «Болашаққа бағдар: рухани жаңғыру» атты бағдарламалық мақаласы жарияланған болатын.

Университетте осы мақалада көрсетілген міндеттерді іске асыру мақсатындағы жұмыс жоспарында бекітілген облыс қала көлеміндегі өндіріс орындары, мекемелер мен ұйымдарда «ХХІ ғасырдағы ұлттық сана» Атырау университеті ғалымдарының 10 дәрісі» әлеуметтік жобасы жүзеге асырылуда.

29 маусым күні осы жоба аясында Атырау қаласындағы «ІSKER GROUP” компаниясының ұжымымен кездесу өтті. Аталған мекеме еліміздің экономикасындағы мұнай саласының локомотиві болып отырған «ТШО», «Болашақ» зауыттарымен логистика, құрылыс, техникалық жабдықтау салаларымен байланысты жұмыс жүргізіп отыр.

Кездесу барысында университеттің ғылым департаментінің директоры Ә.Ү.Ермағамбетова Елбасының мақаласында көрсетілген негізгі тақырыптар: ұлттық сана, бәсекелік қабілет, ұлттық код, туған жер, рухани құндылықтар және т.б. мәселелерге кеңінен тоқталды.

Компанияның мемлекеттік органдармен байланысу жөніндегі директоры С.С.Қуанышев мақалада көрсетілген міндеттер ұжым қызметкерлеріне жаңа міндеттер жүктейтінін, тағылымы көп бұндай бас қосулардың маңызы зор екенін, айтылған мәселелердің бұдан да үлкен ұжым арасында таныстырылып, талқылануы қажеттігіне тоқталды.

ПІКІРЛЕР

Тізімге қайта оралу

Құттықтаймыз!

17 Май 2022 37