«Атырау өлкесі тарихының өзекті мәселелері: өткені мен бүгіні»
Конференцияға Алматы және Батыс Қазақстан облыстарының өлкетанушы профессор-ғалымдары мен ардагер ұстаздар, студенттер қатысты.
Аталған іс-шара өлке тарихын зерттеудің маңыздылығы, жаңа ғылыми-методологиялық бағыттарды анықтау, жаңа деректер жинау және талдау, ғылыми-сараптамалық сүйемелдеуді жүзеге асыру, өлкетануға байланысты тың деректерді ғылыми айналымға қосу, Атырау өлкесі тарихының бірыңғай базасын құру үшін ұсыныстар жасау мақсатында ұйымдастырылды.
Қатысушылар Атырау өлкесінің тарихына тоқталып, археологиялық зерттеулер мен жазба деректері негізінде пайда болған тың деректерді ортаға салып, кездескен өзекті мәселелер жөнінде өзара пікір алмасты.
Сондай-ақ, жиын кезінде республикамызға танымал бірден бір этнограф-ғалым, тарихшы Қыдыралин Үркінбайдың тарих саласының дамуына қосқан үлкен еңбектерін еске алды.
Шара соңында осы конференцияға арнайылап келген Абай атындағы қазақ ұлттық педагогикалық университетінің профессоры Ғизатулла Қаймолдаұлын университет ұжымы мерейлі 75 жасымен құттықтады.
ПІКІРЛЕР