«EdCrunch Reload-2022» халықаралық конференциясы өтті
Атырау университеті осымен екінші жыл қатарынан оффлайн және онлайн режимде "EdCrunch Reload: Connecting Mind and Technology" халықаралық конференциясына қатысып келеді. Алматы қаласында 22-23 қараша күндері мұғалімдердің, педагогтардың, жалпы, жоғары, қосымша білім беру ұйымдары өкілдерінің, ІТ-компаниялар мен корпоративтік университеттер басшылары мен HR-директорларының, L&D-мамандардың, сондай-ақ, инвесторлардың, кәсіпкерлер мен ата-аналардың басын қосқан конференция жаңа білім алып, тәжірибе алмасу, әріптестермен және мүдделестермен қарым-қатынастар орнатуды мақсат етті.
Шарада жыл сайын әр елдің сарапшылары баяндама жасайды. Олардың әрқайсысының маңызды рөлі бар, бірақ, олар – мұғалімдер мен саясаткерлер, зерттеушілер мен бағдарламашылар – бір-бірін толықтырып, басқа адамдарды оқытумен айналысатындар үшін алдыңғы қатарлы идеяларды тарату және жаңа технологияларды қолдана отырып, даму жолдарын іздеу бойынша ынтымақтаса жұмыс істейді. Google, Apple, Microsoft сынды жетекші әлемдік компаниялар мен университеттердің сарапшылары когнитивті нейробиологияны қосқанда, білім беру жөніндегі нейроғылым, технология негізіндегі білім беруді түрлендіру жөніндегі тәжірибелерімен және білімдерімен бөлісті.
EdCrunch Reload-2022 алаңында, сондай-ақ, бизнеске не жетіспейді, адамды табысқа тез жеткізетін кім: тьютор ма, тәлімгер ме, немесе білім беру брокері ме, табыс кілті мен сәтсіздік себебі неде, генетика мен оқу қабілеті қалай байланысты, білімге қалай инвестиция құямыз, университтер мен стейкхолдерлердің өзара қарым-қатынасы: қандай да бір алгоритм бар ма, жоғары білім мен студенттердің жағдайы: психикалық денсаулықты қалай сақтау керек, рынок қажеттілігіне, яғни оқу жобаларын шынайы коммерциялық өңдеумен қалай ұштастыруға болады деген сұрақтар қалай үйретуге болады деген сұрақтар талқыланып, ортаға салынды. Бұл мәселелерді орындарына отырып та қызу талқылаумен болған қатысушылар өздерінің сауалдарына жауап алды.
ПІКІРЛЕР