20.09.2022 157

Эразмус+ - білім беру, кәсіптік оқыту, жастар саясаты және спорт жүйесін жаңғырту мен тұрақты дамытуға бағытталған Еуропалық Одақтың бағдарламасы. 35 жыл бойы бағдарлама бүкіл әлем бойынша серіктес елдер арасындағы барлық осы салалардағы ынтымақтастық үшін қаржылық мүмкіндіктер беріп келеді. Эразмус + бағдарламасы білім беру және оқыту жүйесінің тұрақты дамуы мен жаңартылуына, спорт және жастар саясатын дамытуға, қолдау көрсетуге, сондай-ақ, адамдардың жұмысқа орналасу мүмкіндіктерін жақсартуға және дағдыларын жетілдіруге бағытталған. 2021-2027 жылдарға арналған бағдарламаларда әлеуметтік интеграцияға, «жасыл» және цифрлық технологияларға көшуге, сондай-ақ жастардың демократиялық өмірге қатысуын ынталандыруға үлкен көңіл бөлінгенін, цифрлық білім беру бойынша іс-шаралар жоспарын қолдайтынын атап өткен жөн. Х. Досмұхамедов атындағы Атырау университеті 2021 жылдың қаңтарынан 2024 жылдың қаңтарына дейін TRIGGER жобасына қатысуда. Сонымен қатар бұл жобаға Л.Гумилев атындағы Еуразия ұлттық университеті, Торайғыров университеті және еуропалық әріптестерден Словакия, Австрия, Франция, Греция, Өзбекстан, Тажікстан елдерінен серіктес университеттері де қатысады. TRIGGER жобасының мақсаты - Орталық Азия елдерінде түлектердің үздік жұмыспен қамтылуы үшін қолайлы жағдайлар жасау арқылы экономикалық өсуге ықпал ету. 19 қыркүйектен бастап Вена қолданбалы ғылымдар университеті қабырғасында (Вена, Австрия) "T2.3 ЖОО өкілдерін тиімді кәсіпкерлікті іске асыру мақсатында білім беру бағдарламаларын дайындау бойынша оқыту (WP2)" кезекті көшпелі сессиясы басталды. Тренингке университетіміздің TRIGGER жобасының мүшелері, вице-проректор Қ.Утепкалиева, «Экономика» кафедрасының меңгерушісі Р. Сабирова, «ASU-innovations» жобалық кеңсесінің басшысы Ш. Бисалиева қатысуда. "Кәсіпкерлік білім беру деңгейін арттыру және дағдыларды дамыту" № 2 Жұмыс пакеті шеңберінде командалар төменде көрсетілгендей сұрақтарды қарастырады: - серіктес елдердегі университеттің кәсіпкерлік білім беру қызметінің аудиті; - кәсіпкерлік білім беру мен дағдыларды қалыптастырудағы олқылықтарды, әлеуетті сәйкессіздіктерді анықтау; - жоғары оқу орындарының өкілдерін тиімді кәсіпкерлік білім беру бағдарламаларын әзірлеуге дайындау; - кәсіпкерлікке оқытудың тиімді сызбасын әзірлеу; - кәсіпкерлікке оқытудың тиімді сызбасын енгізу және жаңарту. Тренинг нәтижелері бойынша Орталық Азия жоғары оқу орындары үшін кәсіпкерлікке оқыту сызбалары ұсынылады және кәсіпкерлік құзыреттерді дамытуға арналған курстар әзірленеді. Осы жоба шеңберінде алынған тәжірибе университет білім алушыларының кәсіпкерлік ойлауын қалыптастыру мақсатында Экономика кафедрасының профессор-оқытушылар құрамының көмегімен іске асырылатын болады.

Тізімге қайта оралу