Бірегей жоба – балалар университетінің екінші маусымы
1 маусым – Балаларды қорғау күні қарсаңында Х.Досмұхамедов атындағы Атырау мемлекеттік университетінде Балалар университетінің екінші маусымы басталды.
Балалар университеті екінші маусымының салтанатты ашылу шарасы «Сенім» элитарлық мектебі оқушыларының сазды сәлемімен басталып, университетіміздің бірінші проректоры - Стратегиялық жоспарлау және халықаралық байланыстар жөніндегі проректоры Шилібекова Айгерім Сенбекқызы сөз сөйлеп, балаларға «Қош келдіңіздер» айтты. Содан соң Динара Ғаниқызы «Мереке» атты әнін орындап, балаларға көтеріңкі көңіл күй сыйлады. Балалар университетінің ректоры Орынгүл Абилова құттықтау сөзін сөйлеп, балаларға студенттік билеттерін табыстады. Балалардың білімге деген құмарлығын дамытуға көмектесетін, қалыпты мектептен өзгеше оқыту әдістемесін ұсынатын бірегей жоба жаңалықтарынан қалыс қалмаңыздар!
ПІКІРЛЕР