28.06.2022 253

Маусым айының 28 күні Х.Досмұхамедов атындағы Атырау университетінің жаратылыстану және ауылшаруашылық ғылымдары факультетінің түлектеріне диплом табыстау шарасы өтті. Салтанатты жиында әлеуметтік мәселелер және жастар саясаты жөңіндегі проректор Ләйлә Ерболатқызы Қойшығұлова, оқу орнының ардагер ұстаздары, оқытушы ғалымдары түлектерді құттықтап, алған біліміне сай елге қызмет етуге шақырды. Айта кетейік, аталмыш факультетті биылғы оқу жылында 220 түлек тәмәмдап отыр. Оның 39 студенті үздік диплом иегерлері, магистрлер саны - 19. Білім ала жүріп қоғамдық жұмыста белсенді, оқуда озат болып, көзге түскен студенттер университет ректоры, «АMANAT» партиясының, Атырау облыстық білім басқармасы, қалалық жастар ресурстық орталығының, облыстық ішкі саясат басқармасының, қала әкімдігінің атынан алғыс хатымен марапатталды. Салтанатты шараға кафедра меңгерушілері, оқытушылар, ата-аналар қатысты. Үлкен өмірге жолдама алған жастарға қашанда іздемпаз, әрі бәсекеге қабілетті болуды нұсқап, ел игілігі жолындағы еңбектеріне сәттілік тілейміз. Жаңа өмір жолдарыңыз жақсылыққа толы болсын!

Тізімге қайта оралу