28.06.2022 330

Бүгін өңірдегі іргелі оқу орындарының бірі - Х.Досмұхамедов атындағы Атырау университетінің гуманитарлық ғылымдар және өнер факультетінің түлектері үшін ерекше күн болды. Студенттер бірнеше жыл бойы жиған білімінің құтты құжатын қолдарына алды. Аталған оқу ордасы білім, ғылым өнер саласында үлкен жетістіктерге қол жеткізді. Осы білім ұясынына түлеп ұшқан студенттер сан-салада жемісті еңбек етіп жүр. Университетіміздің әлеуметтік мәселелер жөніндегі проректоры Асхат Ералыұлы бүгінгі бітірушілердің де сол жолда абыроймен жалғайтындығына сенім білдіріп, бірқатар үздік студенттерге дипломын табыстады. Өз сөзінде студенттерге сәт-сапар тілеп, бүгінгі мерекенің әр студенттің жеке жеңісі екенін тилге тиек етті. Айта кетейік, аталмыш факультетті биылғы оқу жылында журналистика, тарих, бейнелеу өнері және сызу, дизайн, музыкалық білім, дәстүрлі музыка өнері, вокалдық өнер мамандығы бойынша 137 түлек тәмәмдап отыр. Оның 23 студенті үздік диплом иегерлері. 4 жылдық білім алу кезінді қоғамдық жұмыста белсенді, оқуда-озат студеттер университет ректоры, Атырау қалалық жастар ресурстық орталығының, Атырау облыстық ішкі саясат басқармасының, Атырау қаласының әкімінің алғыс хатымен марапатталды. Салтанатты шараға кафедра меңгерушілері, оқытушылар, ата-аналар қатысты. Үлкен өмірге жолдама алған жастарға қашанда іздемпаз, әрі бәсекеге қабілетті болуды нұсқап, ел игілігі жолындағы еңбектеріне сәттілік тілейміз. Жаңа өмір жолдарыңыз жақсылыққа толы болсын!

Тізімге қайта оралу