Тарихтан тағылым – өткенге тағзым

Бүгін Атырау мемлекеттік университетінде 31 мамыр – Саяси қуғын-сүргін құрбандарын еске алу күніне арналған «Тарихтан тағылым – өткенге тағзым» атты дөңгелек үстел болып өтті.

Шараның ұйымдастырушылары: Атырау облысы әкімі аппаратының «Қоғамдық келісім» коммуналдық мемлекеттік мекемесі, Х.Досмұхамедов атындағы Атырау мемлекеттік университетінің Қазақстан халқы Ассамблеясының институты.

Дөңгелек үстелге этномәдени бірлестіктердің жетекшілері мен мүшелері, қоғамдық келісім кеңесінің мүшелері, ғылыми-сарапшылық тобының мүшелері, қоғамдық келісім мекемесінің қызметкерлері, Атырау университетінің профессор ұстаздардары қатынасты. Шараның мақсаты – қазақстандық рухани бірлікті қалыптастыру, Қазақ елінің жазықсыз жапа шеккен ардақты азаматтарын дәріптеу болып табылды. Дөңгелек үстел жұмысын Атырау облысы әкімі аппаратының «Қоғамдық келісім» коммуналдық мемлекеттік мекемесінің басшысы – Тамара Аман-Турлина ашып, жүргізіп отырды. Сонымен қатар Х.Досмұхамедов атындағы Атырау мемлекеттік университеті доценті, тарих ғылымдарының кандидаты Гүлфайруз Қайырғалиева «Алашқа айбын болған арыстар», Х.Досмұхамедов атындағы Атырау мемлекеттік университеті әлеуметтік-гуманитарлық пәндер кафедрасының меңгерушісі, философия ғылымдарының докторы, профессор Өмірбек Бекежан «Елім-айлап өткен жазықсыз ерлер», Атырау мұнай және газ университетінің профессор, философия ғылымдарының докторы, профессор Кәрім Өтелбаев «Жазықсыз жапа шеккендер» атты баяндамаларын жасады.

 


ПІКІРЛЕР

Тізімге қайта оралу

Хабарландыру!

9 Июл 2020 43