- Басты бет
- МЕДИА-РЕСУРСТАР
- Жаңалықтар
- «Үздік куратор-2022» - Айымгүл Алдабергенқызы
«Үздік куратор-2022» - Айымгүл Алдабергенқызы
Х. Досмұхамедов атындағы Атырау университетінде жастар саясаты департаментінің ұйымдастыруымен «Үздік куратор-2022» байқауы өтті.
Топ кураторының позитивті имиджін нығайтып, мәртебесін көтеріп, озық іс-тәжірибесін насихаттау мақсатында ұйымдастырылған байқауда оқу орнындағы бірінші кезеңдегі факультетаралық байқаудан сүрінбей өткен 6 үміткер бақ сынасты. Сайысқа қатысушылар өз тәжірибелері бойынша тәрбиелік сабақтар өткізіп, топтағы студенттерімен қарым-қатынасы, сенімді, тығыз байланыс орната білуі жағынан сыналды. Сондай-ақ, олар өздерін таныстыру, интеллектуалдық алаң, өнер туралы бойынша білім-біліктерін ортаға салды. Айта кетейік, кураторларға қойылған интеллектуалдық сұрақтар логикаға негізделіп және университет өмірі мен тарихы тұрғысынан қойылды.
Сайыс қорытындысы бойынша «Үздік куратор-2022» номинациясын экономика және құқық факультетінің аға оқытушысы Айымгүл Алдабергенқызы, «Шығармашыл куратор» номинациясын инновациялық білім беру факульетінің аға оқытушысы Шынар Нұрболатқызы, «Білімді куратор» номинациясын жаратылыстану және ауылшаруашылық ғылымдар факультетінің аға оқытушысы Мөлдір Қуанышқалиқызы, «Жаңашыл куратор» номинациясын көптілді білім беру факультетінің оқытушысы Несібелі Есілханқызы, «Талантты куратор» номинациясын гуманитарлық ғылымдар және өнер факультетінің аға оқытушысы Жазира Аманжанқызы, «Белсенді куратор» номинациясын физика, математика және ақпараттық технологиялар факультетінің аға оқытушысы Гүлмайдан Мырзагерейқызы иеленді.
Сайыс қатысушылары Алғысхатпен және ақшалай сыйлықтармен марапатталды.
ПІКІРЛЕР