Үнді елімен ынтымақтастық

Үнді елімен ынтымақтастық

19 сәуір күні Нұр-Сұлтан қаласындағы Үндістан Республикасы елшілігінің бірінші хатшысы Санжай Веди Атырау университеті ұжымы және студенттерімен кездесті.

Кездесу барысында екі ел арасындағы ынтымақтастық, халықаралық қатынастар және білім ғылым саласы сөз болды. Санжай Веди өз кезегінде Үндістан мемлекетінің 1950 жылдан бері келе жатқан стипендиясы жайлы толық ақпарат берді. Осы стипендияны алуға бакалавр, магистратура және доктурантураға түсу мүмкіндіктерімен таныстырды. Стипендия тегін оқу, тамақ, жол ақы құны, және ақшалай стипендия берілетінін де атап айтты.

Бакалаврды бітіруші түлектерді магистратураға оқуға түсуге шақырып, екі жыл Үндістанда оқып ағылшын тілін жетік меңгерумен қатар Үндістанның мәдениетімен таныс болатынын жеткізді.

Кездесу барысында студенттердің академиялық ұтқырлық және қос диплом бағдарламасы бойынша, қонақ лектор шақыру бойынша да жұмыстар атқарылатыны сөз болды. Кездесу барысында Санжай Веди студенттер мен оқытушылар тарапынан қойылған сұрақтарға жауап берді. Университетіміздің халықаралық бөлімі алдағы уақытта Үндістан елшілігімен жан-жақты тиімді байланыстар жүргізіп, университетіміздің мүмкіншіліктерінің артуына атсалысатын болады.

ПІКІРЛЕР

Тізімге қайта оралу

Құттықтаймыз!

17 Май 2022 17