Болашақ бағдарламашыға нені білу керек?

Болашақ бағдарламашыға нені білу керек?

Физика, математика және ақпараттық технологиялар факультетінің бағдарламалық инженерия кафедрасының IT мамандығының студенттері «Болашақ бағдарламашыға нені білу керек?» тақырыбында NCOC компаниясының бағдарламалық қамтамасыз ету бөлім бастығы Ерназ Сатыбалдиевпен кездесу өткізді.
Бұл шеберлік сағат 1,2,3 курс студенттеріне IT мамандығының маңыздылығы мен артықшылығын түсіндіру, студенттерге жетістікке жетуде ынталандыру мақсатында мотивация беру болып табылды.
Ерназ Сатыбалдиев - NCOC компаниясының IT маманы. Мектеп қабырғасында жүрген кезінде-ақ республикалық, халықаралық олимпиаданың алтын, күміс жүлдегері атанып, НЗМ мен КТЛ білім мекемелерінде емтихан дайындауға мүмкіндік беретін Emtihan.kz онлайн платформасын құрған.
Шеберлік сағатта бағдарламалаушының жауапкершілігі, қойылатын талаптар, негізгі міндеттері айтылды.
Білім алу және болашақта жұмыс істеу үшін стандартты емес ойлау қабілеті бар, жылдам әрі мобильді болу, есте сақтау қабілеті жоғары, күрделі есептерді техникалық бейімділікпен шеше білгені жөн.
Қазіргі уақытта ғылым мен техниканың ұдайы дамып келе жатқан тұсында бұл салада көптеген тың жаңалықтар орын алып, күн өткен сайын саланың дамуы артып келеді. Сол себепті Ерназ Сатыбалдиев мамандықтың жақсы жақтары үнемі даму, ілгерілеу және жетілдіру мүмкіндігі, өзін өзі көрсетудің және өзін өзі жүзеге асырудың жоғары деңгейі, еңбек нарығында тұлғаның шығармашылық және мүмкіндіктерінің көрінуінің кең ауқымы екендігін атап көрсетті.
 Студенттер кездесу соңында Ерназ Сатыбалдиевке сұрақтар қойып, мазмұнды кездесу үшін алғыс білдірді.

ПІКІРЛЕР

Тізімге қайта оралу

Құттықтаймыз!

17 Май 2022 17