Атырау университетіндегі жыр кеші
Халел Досмұхамедов атындағы Атырау мемлекеттік университетінің профессор-оқытушылар құрамы мен студенттер қазақтың белгілі қаламгерлері, Халықаралық «Алаш» әдеби сыйлығының лауреаты, ақын-драматург Серік Тұрғынбековпен және ҚР еңбегі сіңген қайраткер, дүние жүзіне аты мәлім жазушы Сабит Досановпен кездесті.
Салтанатты кездесу шарасын Атырау университетінің қазақ тілі мен әдебиеті кафедрасының профессоры, филология ғылымдарының докторы Қадыр Жүсіп ашып, кездесуге қатынасушыларды ақын-драматург Серік Тұрғынбековтың творчествасы мен өмір жолдары туралы толықтай таныстырды. Одан соң, сөз жазушы Сабит Досановқа беріліп ол өз кезегінде тыңдармандарға бүгінгі кештің мақсаты мен маңызын түсіндіріп, залда отырған жастарды елін сүюге, адал еңбек етуге, туған халқының мәдениеті мен әдебиетін құрметтеуге шақырды. Кеш қонақтарының қалауымен бүгінде республикамызға танымал болып жүрген жас ақындар, Атырау университетінің түлектері Әлия Дәулетбаева мен Бақытгүл Бабаштар сөз алып, тыңдармандарға арнап өздерінің әсем жырларын оқыды. Кездесу соңында университет студенттері ақын өлеңдерін жатқа оқып, оларға өздерінің жүрекжарды жырларын арнады.
ПІКІРЛЕР