Қазақтың Татьянасы білім ордасында қонақта

Қазақтың Татьянасы білім ордасында қонақта

Университетіміздің қонағы - Татьяна Бурмистрова ұлты орыс болса да, дархан қазақ жерінде кіндік қаны тамып, бала кезінен ұлттық аспабымыз - домбыраны қолына алып, қазақша ән салған дарынды жан.

Қазақ тілінің қадір-қасиетін жан-тәнімен сезіне білген Татьянаны қазақ елі жақсы көреді. Кезінде үш Татьяна болып сахнаға шығып, көрерменнің көзайымына айналған үштіктің бірі, сахнасы мен домбырасын қолынан бір сәтке де тастамағаны да осы - Татьяна Бурмистрова. Татьяна ханымның тағы бір ерекшелігі әрдайым үстіне оюланған, қазақтың әсем, көз тартар кәжекейін киіп жүреді. Бұл - қазақ еліне деген сыйластығы мен өз еліне деген патриоттық сезімі деп білемін. 

Университет үлкен залына жиылған студенттер мен оқытушы, қызметкерлердің қолпаштауымен сахна төріне шыққан Татьяна - қазақтың қара домбырасымен бірнеше халық әндерін нақышына келтіре орындады. Әсем даусымен тамылжыта шырқаған әндері әуелеп, жиылған жандардың құлағының құрышын қандырғандай әсерде болды. Бірнеше сағатқа созылған әсем кеш әдемі әуендермен, тәтті естеліктермен өтті. Сахнада ән айтып қана қоймай, жас ұрпаққа, болашақ жас мамандарға өзі жүріп өткен өмір жолдарын мысалға ала отырып білген ақыл-кеңестерімен бөлісті. "Қыз бала - жат жұрттық, ата-анасының айнасы, болашақ ана"-деп қыздарымызға да арналған біраз ойларымен бөлісіп, аруларға арналған әндерін де шырқап өткен болатын.

Әдемі басталған кешіміз соңы Татьяна ханыммен  естелік фотоға түсумен аяқталды. 

Арайлым Нарешова

Медиа-қызмет маманы

ПІКІРЛЕР

Тізімге қайта оралу

Спартакиада жеңімпаздары анықталды

5 Дек 2019 7

Х.Досмұхамедов атындағы Атырау мемлекеттік университетінің құрылғанына 70 жыл толуына орай студенттер арасында ұйымдастырылыған факультетаралық спартакиада өз мәресіне жетті.

Мен көшбасшымын!

4 Дек 2019 10

Осындай тақырыппен Нұр-Сұлтан қаласында интеллектуалды ойындар өтті.
Аталмыш сайыста университетіміздің қаржы және есеп кафедрасы студенттерінен құралған команда жүлделі II орынға ие болды.

Бас жүлде - Жәнияда!

3 Дек 2019 11

Қазақстан Республикасының Сыбайлас жемқорлыққа қарсы іс-қимыл агенттігінің Атырау облысы бойынша департаментімен ұйымдастырылған "Ақынның қаламы-адалдық алаңы" атты жас ақындар мүшәйрасында қазақ тілі және әдебиеті мамандығының 2 курс (3жылдық) студенті Хайролла Жәния бас жүлдені жеңіп алды.

Әбілмансұр "Үздік жас спортшы" атанды

3 Дек 2019 15

Дене шынықтыру және спорт мамандығының ІІ курс студенті, каратэ-додан әлем чемпионы, университетіміздің мақтанышы Батырғали Әбілмансұр "Үздік жас спортшы" атанды.

Талғат Сырбаз - жеңімпаз!

3 Дек 2019 13

Х.Досмұхамедов атындағы Атырау мемлекеттік университетінің дене шынықтыру және спорт мамандығының ІІ курс студенті Талғат Сырбаз жеңімпаз атанды!