Тұғыры биік-Тәуелсіздік

Тұғыры биік-Тәуелсіздік

  «Тұғыры биік - Тәуелсіздік» тақырыбындағы республикалық пікірсайыс турнирі 2021 жылдың 4-5 желтоқсанында Х. Досмұхамедов атындағы Атырау университетінде Жастар саясаты департаментінің ұйымдастыруымен және «Jas Otan» Жастар қанаты Атырау облыстық филиалының қолдауымен Қазақстан Республикасы Тәуелсіздігінің 30 жылдығына орай өтті.

 Қазақстан Республикасының Тәуелсіздігінің 30 жылдық мерейтойын насихаттау, студенттердің интеллектуалды деңгейін арттыру, тұжырымды пікір айтуға дағдылау арқылы жастардың әлеуметтік және шығармашылық белсенділіктерін арттыруды мақсат еткен шешендік өнер додасына еліміздің түкпір-түкпірінен келген ойы жүйрік, тілі шешен жастардан құралған 24 фракция, 48 спикер қатысты. Турнир Британдық парламенттік және Линкольн-Дуглас форматында өткізілді. Пікірсайыста әлемдік және еліміздегі болып жатқан жағдайлар барысы бойынша көзделген мәселелер қаралды. Одан бөлек, жастардың бойында коммуникативтілікті арттыру, командада жұмыс істей білу сынды қасиеттерді қалыптастыру көзделді.

Ермекбаев Қобылан пікірсайысқа қатысушы, Ақтау қаласы:

- Менің есімім Ермекбаев Қобылан Ақтау қаласындағы Ш.ЕСЕНОВ атындағы университеттің 4 курс студенті және Кемел Зияткерлік Пікірсайыс клубының кординатторымын. «Пікірсайыс бұл алтын кілт, қоғамның қай салсаң да оны аша аласың»,- деген сөзді дебатқа келгенде алғаш естідім. Бұл сөздің растығына бүгінгі Сенатор пікірсайыс клубы ұйымдастырып отырған республикалық турниріндегі тақырыптар дәлел болса керек. Себебі қозғалған тақырыптар қоғамның сан-саласын қамтиды.Турнир осымен ерекше болды, осымен есте қала алды деп ойлаймын.

Ақжарқын Тілекқабыл, әділ қазылар мүшесі:

- "Senator Cup IV: Тұғыры биік - Тәуелсіздік" республикалық турнирі басынан аяғына дейін қызу, әрі тартысты болды. Тақырыптарды қатысушыларға 15 минут бұрын берілді. Әр раундқа төрешілік етуде сәл қиналған кездеріміз болды. Жалпы, турнир еліміздің Тәуелсіздігінің 30 жылдығына қарай ұйымдастырылып отырғасын, тақырыптарды да сөз бостандығы, әлемдегі азшылық тараптардың еркіндігі, адамзаттың ғылымдағы даму жолы мен бірқатар елдердің өз тәуелсіздігін алуымен байланыстырып қойдық. Қатысушыларға көмек болсын деп, әлеуметтік желілерде тақырыптарға кілттік суреттер жарияланды. Алдын ала тақырыптар берілмесе де, қатысушылар үмітімізді ақтады. Себебі осы турнирдегі қатысушылардың дайындық деңгейі жоғары болды.

Атырау қаласына жиналған үздік пікірсайысшылар екі күн бойы жүлделі орындарға өзара бақ сынады. Сайыс қорытындысы:

І орын: "Сингай" фракциясы, Ақтөбе қаласы, спикерлер: Қуаныш Ақнұр,

Боранбаева Айдана (200 000теңге)

ІІ орын: "Нұр-Атырау" фракциясы, Ақтау/Қостанай қаласы

спикерлер: Ермекбаев Қобылан, Сабитов Даулет (150 000теңге)

ІІІ орын: "Алдаспан" фракциясы, Алматы/Атырау қаласы

спикерлер: Аманқос Ислам, Мұханжан Гүлназ (100 000теңге)

Үздік талпыныс: "Алаш" фракциясы, Ақтөбе қаласы

спикерлер: Жумашева Динара, Дүйсенбек Батыр

"Үздік Спикер": Ермекбаев Қобылан (30 000теңге)

"Үздік төреші": Бақыбаев Алмат (30 000теңге)

ПІКІРЛЕР

Тізімге қайта оралу