Факультеттің кезекті Ғылыми кеңесі өтті
2021-22 оқу жылындағы Экономика және құқық факультетінің Ғылыми кеңесі ағымдағы жылдың 13-қазан күні болып өтті. Ғылыми кеңестің күн тәртібінде келесі сұрақтар қарастырылды: 1. 2021-2022 оқу жылына арналған Экономика және құқық факультеті Ғылыми Кеңесінің құрамын бекіту; 2. 2021-2022 оқу жылына арналған факультеттің аралас онлайн және оффлайн жағдайдағы оқу үдерісінің ұйымдастырылуы, өткізілу жағдайы, жүру барысы; 3. 2020-2021 оқу жылының қорытындысы; 4. 2021-2022 оқу жылына факультеттің 1-курс бойынша күндізгі және күндізгі қашықтықтан оқу бөлімі мен магистратураға қабылдау қорытындысы; 2022-2023 оқу жылына арналған үгіт-насихат жұмыстарын жүргізу жоспарын бекіту; 5. Оқу бағдарламалары бойынша оқу пәндерінің оқу-әдістемелік кешендермен қамтамасыз етілуі және тексеру қорытындысын жетілдіру; 6. Факультет кафедралары бойынша 2021-2022 оқу жылындағы оқу, ғылыми және тәрбие жұмыстары бағытындағы стратегиялық даму жоспарына қосымша міндеттер бекіту; 7. Әртүрлі мәселелер.
Ғылыми кеңесте алғашқы болып сөз алған факультет деканы, э.ғ.к., қауымдастырылған профессор м.а. Адиетова Э.М. 1-сұрақ бойынша 21 ППС және студенттерден құралған факультеттің Ғылыми кеңесінің құрамымен таныстырды. Сонымен қатар факультеттегі оқу үдерісінің ұйымдастырылуына тоқталды.
Факультетте оқу үдерісі оффлайн және онлайн Teams бағдарламасымен ұйымдастырылады, №4 Оқу кешені интернет желісімен толық қамтылған, аудиториялардағы орнатылған интерактивтік тақталар күнделікті сабақтардың сапалы, уақытылы өтуіне мүмкіндік береді. Жалпы факультеттің техникалық базасы толық жабдықталған деген тоқтамға келуге болады.
Келесі сұрақтар бойынша, факультет деканы Адиетова Э.М. қысқы және көктемгі емтихан сессияларының қорытындыларына, екі рет ұйымдастырылған жазғы семестрлердегі білім алушылар мен олардың үлгерімдеріне тоқталды.
2021-2022 оқу жылында факультеттің бакалавриат және магистратураның барлық білім бағдарламалары бойынша оқуға қабылдау жүргізілді. Дегенмен алдағы уақытта барлық білім бағдарламалары, соның ішінде 6В04107 Маркетинг, 6В04203 Халықаралық құқық білім бағдарламалары бойынша алдағы оқу жылына факультетке талапкерлерді тарту мақсатында үгіт-насихат жұмыстарын жүйелі жүргізу бойынша кафедра меңгерушілеріне міндеттер жүктелді. Сонымен қатар, кафедра меңгерушілеріне оқу, ғылыми және тәрбие жұмыстары бағытындағы стратегиялық даму жоспарына қосымша міндеттер ретінде ЖОО-мен серіктестік құру, Қосдипломды оқыту жүйесін қолға алу, Болашақ бағдарламасымен оқуға түсу, ЖАОК түсіру, ғылыми мақалаларымен баяндамаларын ұсыну бойынша тапсырмалар берілді.
Әртүрлі мәселелер бойынша факультеттің құрылымдық міндеттері, сапаны қадағалау, оқу ақысына жеңілдік ұсыну және мерекелік марапаттау бойынша комиссия құрамдары таныстырылып өтті.
Ғылыми кеңесте барлық сұрақтар толықтай қарастырылып, талқыланды. Соңында сөз алған Экономика кафедрасының меңгерушісі, э.ғ.к., қауымдастырылған профессор Сабирова Р.К., з.ғ.к., қауымдастырылған профессор м.а. Шаяхметова Ж.Б., Экономика кафедрасының аға оқытушысы, магистр Дингазиева М.Д. кеңестің өз дәрежеде өткенін, ауқымды міндеттер қаралғанын, алдағы уақытта оқу үдерісін сапалы ұйымдастыру және мамандыққа талапкерлерді тарту бойынша өз ұсыныстарымен бөлісті.
Х.Досмұхамедов атындағы Атырау университеті КеАҚ білім алушылары саны жағынан елеулі орын алатын факультеттің алдағы уақытта да оқу, ғылым және тәрбие бағытында нәтижелі жұмыстар жасала беретіндігіне сенім мол.
ПІКІРЛЕР