Аймақтық комиссияның өкілдері бас қосты
10 қыркүйекте саяси қуғын-сүргіндер құрбандары туралы ақпарат алмасу және материалдар жинау жөніндегі жұмыс тәжірибесі туралы республикалық онлайн семинар өтті.
Батыс Қазақстан облысының әкімдігі мен жобалық кеңсесі ұйымдастырған шараға Батыс өңірінің облыстары мен Қостанай облысының өкілдері қатысты. Көпшілігі - мемлекеттік және аймақтық комиссияның жұмыс тобы.
Модератор , саяси қуғын-сүргін құрбандарын толық оңалту жөніндегі Мемлекеттік комиссияның қызметін сүйемелдеу жөніндегі жобалық кеңсесінің басшысы Сабыр Қасымов шараның өту барысымен таныстырды. БҚО әкімінің орынбасары, саяси қуғын-сүргін құрбандарын ақтау жөніндегі қалалық комиссияның төрағасы Бақытжан Нарыбеков алғашқы сөз кезегін алып, шағын баяндама жасады.
Одан кейін арнайы баяндамашылар қатарынан мемлекеттік комиссияның жұмыс тобының жетекшісі, тарих ғылымдарының докторы, профессор, ҚР Құрметті академигі Талас Омарбеков, Ақтөбе облысының аумақтық комиссиясының мүшесі, тарих ғылымдарының докторы Жібек Бегімбаева, Атырау облысының жұмыс тобының жетекшісі, тарих ғылымдарының докторы, доцент Лесқали Бердығожин, Батыс Қазақстан облысының жұмыс тобының жетекшісі, тарих ғылымдарының кандидаты Есқайрат Ерболатұлы, Қостанай облысының жұмыс тобының жетекшісі, тарих ғылымдарының кандидаты Эльмира Наурызбаева, Маңғыстау облысының жұмыс тобының жетекшісі, қоғам қайраткері, өлкетанушы, тарихшы Еділхан Алқажан тақырып төңірегінде келелі ой қозғады. Семинар соңы қызу пікірталас пен құнды мағлұматтар легіне ұласты.
ПІКІРЛЕР